ياسلامي عليكم يا زحول الرجال = يا رجا لن تقر الناس لفعالها
المثل قال مال الحمل كود الجمال = والحمول الثقيله ترغي جمالها

المشاركة الأصلية كتبت بواسطة نواف ابن ثعلي (المشاركة 276305) ياسلامي عليكم يا زحول الرجال = يا رجا لن تقر الناس لفعالها المثل قال مال الحمل كود الجمال = والحمول الثقيله ترغي جمالها

مرحبا يا بن ثعلي ياكريم السبال =اقلط اقلط على الدله وفنجالها
الجمال الرديه ماتشيل الثقال = والجمال الاصيله غصب تشتالها

البـــــقـــا عد ماذعذع نـسـيــم الشمال = والفعول العظيمه تسلم رجالها
احتزم واحسب حساب الدروب الطوال = واعرف اقصارها يا ذيب وطوالها

لو تطول السنين ولو تطول الليال = مايعنّ الكحيله غير خيالها
كان تبغى جواب وكان تبغى سؤال = معك .. والرجل يحمى كلمة ِ قالها

ايه عندي خبرها ونت روح وتعال = ونتبه للـمـطـيـه تـطلق عـقـالها
يبيض الوجه ريح في طويل الظلال = ورح فحالك وخل الناس في حالها

المطيّه تقاود في يدي بالحبال = يوم بعض المطايا مكثر جفالها
كلمتك يا بن ثعلي مالها اية مجال = منت عم الهنوف ولا انته بخالها

تدعـي بـلكـمال ولـنت ويا الكـمـال = مير حافظ على غترتك وعقالها
يا عسى ام الولد ما انحبت با لعيال = اويا لـيتـهـا مادجـت اعـيلـها