الهيـــــــــــــلا *** منتدى قبيلة عتيبة

ترى القدر مكتوب

قصيدة مرثية في المرحوم بإذن الله الشيخ نايف بن عبدالمحسن بن حميد. أمير الفوج الرابع بينبع..

البارحة كني قريص الأفاعي

وتقول ساقي سم الأفعى مشى فيه

وضاق الفضا كله وضاق الوساعي

والهم قلبي من ضحى السبت ماليه

لا واهنيك يا لصغير الرضاعي

ما شفت حالاً واهج الهم طاويه

يا عبيد قلبي كن يشعاه شاعي

وكن الوقايد بالحطب تشتعل فيه

كله سبب علم لفاني بساعي

يا ليت من جاب الخبر ما عطانيه

مرحوم يا نايف طويل الذراعي

مرحوم يا شيخ بعيده هقاويه

مرحوم يا شيخ حميد المساعي

من خلقته ما صد عن وجه ناصيه

زيزوم حلال الصعيبات واعي

يفهم ويدرك كل دربٍ مشى فيه

كريم وافي في المواقف شجاعي

يا كثر فزعاته ويا قل شانيه

لو الأجل بالمال دونه يباعي

من دون شيخي لرخص العمر واشريه

لاقف معه وقفة هجوم ودفاعي

مير الأجل ما عندنا حيلةٍ فيه

ترى القدر مكتوب له باليراعي

في لوحه المفحوظ لازم يلاقيه

ياالله من مزن ترادم وماعي

خيِّل خياله والهوى صار قافيه

ينساق بأمره للديار الرفاعي

ويمطر على قبرٍ سكن شيخنا فيه

مفرح هذال العنيضيل

صحيفه الجزيره عدد اليوم

مودتي

؟