شنـوف جفنـي لـه عـن النـوم مـدهم=اذقـت نـوم ولاستـراحـت جنـوبـي
بـس أتقلـب بيـن ضيـقـه وشــده=لوضاق صدري ماتضيق ماتضيق الدروبي
أسهـرت عينـي واعتزلـت المـخـده=يـادوب جـربـت المحـبـه يـادوبـي
علـى غـزال ٍ جمـل الـخـال خــده=عهدي بشوفـه قبـل شمـس الغروبـي
امـس العصيـر وراح لارحـم جــده=وش ضاع مني وش بقـي فـى جيوبـي
غصـن ٍ يـلاوعـه الـهـواء لاتـعـده=امـا انكسـر والايبسـتـه الهبـوبـي
وحتـى لـذا يلحقـك مـن مـن تـوده=الله يسامـح مــن تحـمـل ذنـوبـي

ماجـور يامـن بـيـح الــود ســده=عـن ناضـره تقـل المنـام محجوبـي
سهـران ليلـه كــل نـجـم ٍ يـعـده=يسامـره مــن مطلـعـه للغيـوبـي
اسبـاب غـرون ٍ لاوعــه بالـمـوده=بيـح خفـاه وجـر شكـواه صـوبـي
غـرونٍ جديلـه حـدر ردفــه يـكـده=ادعـج غنـج منـه الظمايـر تلـوبـي
والبـض كلـنً شـاف منهـا المضـده=شرقً وغـرب وفـي شمـال وجنوبـي
كم مولـع ٍ فيهـن شكـا الوقـت حـده=قضـى حياتـه فـي رجاهـن عزوبـي
شـف ماتـراه وياأبـن هــذال بــده=وعرف ترانـي مـن طرفـك محسوبـي
حالـي فــداك وماقصـركـم نـسـده=لونـي اطلـع مـن حـلالـي بثـوبـي