اهل الأذكار تدعـي والظـلام انتحـى =والدعـاوي تهـز مشيـدات القصـور
والخطاوي تعثر بيـن خـوف وسحـا =والفتن تشتعل.. وانتـم سـواة البـدور
يا قصار الثياب ويـا طـوال اللحـى =لا تفيض العيون ولا تضيق الصـدور
دارت الأرض بالعالـم ودار الـرحـا =وانتم الشامخيـن ومـا تبقـى يـدور
كل ما المح شموس وجيهكم في الضحى =احمد اللي بعينـي زود النـور نـور
في الجباه السمار اللي ظهر ما انمحى =ابشروا به وهو يشفـع بيـوم النشـور
السنتكم عطاهـا الله حديـث فصحـا =وافئدتكم من الإيمان تنضـح سـرور
قصر المسـك يـا حمالتـه واستحـى =يوم جاء يعطي اعطيتموه طيب وطهور
يا تلاميذ عقـد الصفـوه اللـي نحـى =يا حبايب صلاة الفجر واهل السحـور
يا رجال على يديكم صحى من صحى =سعد روح تغذت من بصيـرة غيـور
انتم لمعشـر الساليـن خيـر نصحـا =وانتم لنصرة الدين اصدق اللي يثـور
ان دخل صفكم وجـه كـذب والتحـى =رده اللي يرد الكيـد وسـط النحـور
وان هرج زيد لعبيـد بسوالـف جحـا =لا لحقكـم شكـوك ولا لحقنـا نفـور
واللي انزل تبارك والقلـم والضحـى =انكم هدينـا عـن محدثـات الأمـور
واصلوا يا بركتنا دون خـوف وسحـا =ردوا نفوسنا اللوامـه مـن القصـور