هذي محاوره بين فهد العازمي وذيب الشمري
 

فهد
مرحبا ترحيبـةٍ فيهـا لخلـق الله نصيحـه
والنصيحه كانت اهل المعرفه تدفـع ثمنهـا
ذيب شاعر من رجالٍ ما يمـدون الشحيحـه
والغشيم اللي يجي ويروح كفـه مـا دهنهـا
ذيب
البقا وانصح على كيفـك وسـرك لا تبيحـه
والبدو شدت ولا مـدت ومقهـورٍ ضعنهـا
ما عليكم زود بالكاشي والاقصـاد المريحـه
والرجال اعرف وفاها بالتحدث عن وطنهـا
فهد
وش كثر دم الذبيحه يـوم ذكيـت الذبيحـه
واصبحت سته قسوم بقدرها مدري صحنهـا
قيل فالامثال موت الرجل اخير من الفضيحه
وش فعلتو وش عملتو يوم جيتو من جهنهـا
ذيب
ما نقيس الدم والمرحوم ما نحفـر ضريحـه
والرجال اللـى تحـاول تمتحنـا نمتحنهـا
جايز المترديه تشـرح بطـولات النطيحـه
والفعايل عندنـا يخبركـم التاريـخ عنهـا
فهد
والله انا لو عـن اليتمـان حينّـا المنيحـه
كان راهنّا على شمـر وصادرنـا رهنهـا
يالسناعيس ازحفو عنا ترا ارض الله فسيحه
لا نولـع نيـرةٍ ماتمرحـون الليـل منهـا
ذيب
يا مليحيـن النبـا كانـت هداياكـم مليحـه
وابشروا فى ردها والنار ما يبطـل دخنهـا
شمر ارجالٍ تحاجج بالاحاديـث الصحيحـه
من شعر بالخوف والميله من الدنيـا زبنهـا
فهد
يوم جينا نتصل بـك ليـه قفلـت الشريحـه
ودنا انك تبعد الانشـاب وانتـه تحتضنهـا
كفو والله مـادحٍ شمـر ولا تبغـى مديحـه
مير ياخوفـي تعـود لغيّهـا تامـر وتنهـا
ذيب
اتصالات العميـل اللـى قناعاتـه جريحـه
نا قـةٍ ديكورهـا طيّـب ومسمـومٍ لبنهـا
العروبه سيلها يطغى علـى سيـل القريحـه
عندنا ونعز جانبهـا ونطعـن مـن طعنهـا
فهد
قمت لك واحد مقام وطحت لك عشرين طيحه
ما فتل عظمك ياكود اللي تغـذا مـن بدنهـا
لا تفك الباب زال الباب يدخل منـه ريحـه
وانت شاعر تسمع الورقاء وتطرب من لحنها
ذيب
انت قضّيت الليالـي كلهـا فـزه وصيحـه
واليمن والشام من حولك بدت تكثـر فتنهـا
بيننا مطلـوب تصحيـح المفاهيـم القبيحـه
والجهل والحقد والنزوات ما نطلـق رسنهـا