الاخوه
 

الاخوه
نبي الإخوه بس مافيه أخوه ** ماعاد نعرف ياعرب من نخاوي

كن العرب ما تنتسب للمروه ** كل على دربه معزم وناوي

ماتت مابين الناس ذيك المروة ** راحت مثل ذيب على الرجم عاوي

ماعاد للمعروف حيل وقوة ــ شفته من الديرة بخيله جلاوي

وين الذي كانت تشرف سموه ــ تحت الثري ماباقي الإ الحكاوي

كم واحد شفته وخيلت نوه **لكن ليمطر كل سيله دعاواي

وين الذي فيهم يعرف العنوه **جسمه كبير وجوهر العقل خاوي

شفت الردي فالناس وأكيد هوه ـــ هو والذي غير كبار الهقاوي

يتوه اللي في البشر مايتوه ** وأجيب له خير ويجيب البلاوي

وين اقتداء أهل السلف والنبوه ــ ما كن وصلها للإذنين راوي

سو الذي تبي تسويه سوه ـــ تري البحر مبطي ولونه سماوي

شاعر وصعب الناس تدخل في جوه ــ ومن بعد فرقي الذيب صار متساوي

قوله عدل لا يمكن أنه يموه ــ ولو صابته بقعاء قليل الشكاوي

من قولي طال عمرك ....وانتظر الجديد

تالي الليل صح لسانك وعلا شانك
لاخلا ولاعدم
مووودتي

هذا من ذوقكم يا عيال العم .. ومهما قلنا من قصيد فلا نصل الى مستواكم الشعري