يوم أن فنجال الشعر زان كيفه = اخذت لي من كيف الاشعار فنجال
صافي مصفى مايصفى بليفه = هيض اللما فكري يصفيه بالحال
يامرحبا بالي دروبه كليفه = مشعل له الترحيب في كل الاحوال
بالعود الازرق والفياض المريفه =فيها النبات زهوره اللوان واشكال
المرجله مهره ولاهي عسيفه= ومشعل لها في ساعة الضيق خيال
ان وردت له ماتعود معيفه = يحرص على الجزله ويفعل ليا قال
كلمة هلا عند ابن ماجد وضيفه= له في قلوب الخلق مدخل ومنزال
الشبر راهي والسوالف طريفه = في صفحة التاريخ مضرب للامثال
مايجهله كود العقول الكفيفه =- بدر السما مازال نوره ولازال
ومن لاعرف عقبان وادي حنيفه = ياعنك ماعنده من العرف مثقال
حكامنا واهل السيوف الرهيفه = اللي لهم تاريخ الامجاد مدهال
اهل المكارم والنفوس النظيفه = منهم عريب الجد والعم والخال
من راس ماجد والفعايل منيفه = الليث عقب له مشاكيل واشبال
ياعل بطن القبر يصبح قطيفه= ويخضر علوه بالبختري ليا سال
وعسى جنان المعتلي تستضيفه = والله يثقل له موازين الاعمال
اقفى من الدنيا ومشعل وصيفه = للعقد حلال وللنقض فتال
راع الشداد اقفى ومشعل خليفه = رجال عن وقفة ثمانين رجال
الضيــط جود ومشعل الجود ضيفه = مشعل مذاخير المناعير الابطال
ويامرحبا عد النجوم الصفيفه= واعداد ماينشي من الغرب همال
وعد النبات وموميات السفيفه = صلو على خير البشر نور الاجيال

الكرم والحفاوة , ليست مستغربة من الشيخ صنيتان الضيط حفيد اهل المكارم , فانعم واكرم به وانعم واكرم بابائه واجداده , اهل التاريخ والجناب المشرف , حفل عامر بصاحب محل عزيز وضيف عزيز , والشكر موصول لك يامحمد بن دليم ولشبكة العضيان


تحياتي

المشاركة الأصلية كتبت بواسطة ابو زيد الروقي (المشاركة 273789) ليست بغريب على شيوخ مزحم صنيتان الضيط له منزلة كبيرة عند ولاة الأمر والدليل زيارة الأمير له في منزله. تقبل تحايايا يا محمد ابن دليم

المشاركة الأصلية كتبت بواسطة ذيب الحنابج (المشاركة 273797) تغطيه رائعه ولاهي غريبه على الشيوخ اهل عمهوج لالاهنت اخوي محمد على النقل الرائع

المشاركة الأصلية كتبت بواسطة ابن مشيب (المشاركة 273922) الكرم والحفاوة , ليست مستغربة من الشيخ صنيتان الضيط حفيد اهل المكارم , فانعم واكرم به وانعم واكرم بابائه واجداده , اهل التاريخ والجناب المشرف , حفل عامر بصاحب محل عزيز وضيف عزيز , والشكر موصول لك يامحمد بن دليم ولشبكة العضيان تحياتي