لاواشقى قلب ٍ بغاليه مرهون =في ساعة الفرقى نهار الوداعي
لو ودّعه من جملة الناس مليون = ما اتضيق في وجه المحب المساعي
إلا وداع اللي به القلب مفتون = اللي لميثاق المحبه ايراعي
ساعة وداعه بيّح الصدر مكنون = وهلت دموع العين دون انقطاعي
بيني وبينه عهد ناس ٍ يحبون = فالحب مايشرى بسوق ويباعي
حب الهلالي والكسر وابن لعبون = وكم غيرهم في مركب العشق ساعي
عشقتها عشقن على الطيب مضمون = ولا قد دعا عشقه من السو داعي
يانور عيني يابعد كل مزيون = يامن جعل قلبي بصده يلاعي
هذا هوايه يا عرب لو تقولون = وأمره على نفسي ونهيه مطاعي
ولاهمني لوقالت الناس مجنون = يا كثر مايعلن بالانبا ويذاعي

نــــوح ابــــن صـقــر

ابوجراح

صح لسانك . قصيده رائعه

لك التقدير والإحترام