سرى الليل يالشعار هبت صبا صبا= وراع المعاني فالمعاني صبا صبا
نبى شاعر ً ياتي بسن الصبا صبا=يقولون ما للطيبه غير راعيههها

يالالا له ياسلام الله على الهيلا واهلها=يالالا له والقبايل كل رجالن نعمه
يالا لا له نعرف ان الناس هذي في مهلها=يالا لا له مير ابي لي شاعر ً يطلع بقمه

سرا الليل والهيلا لاهلها حما حما = وكل شاعرٍ من دون ربعه حما حما
وانا شاعر الميقاف لامن حما حما = يقولون ما للأوله غير راعيها

يالا لاله مرحبا ترحيبةٍ ندبل دبلها = يالا لاله للرجال اللي لفت من كل يمه
يالا لاله لو تعقد حبالها عندي حللها = يالا لاله دام ابن جوباح عاصب لك معمه

عسى الطيب اللي لا التقينا ظهر ظهر=ولا يتقي في ليل ولا ظهر ظهر
نبى نعرف انته بطن ولا ظهر ظهر= يقولون ما للعله الا مداويها

يا لا لا له البقاء بك والمزون اللي هللها=يا لا لا له فوق راسك كل درب ً زين طمه
يا لا لا له لا عطيتك حملت ً ياشعيل شلها=يا لا لا له مايرد الطيب ابراسه الكمه

حمد في لزومه يا ( الفلاني ) حزم حزم=تشب الحطب ويزيدها لك حزم حزم
زبنت الجبل والا عطيت الحزم حزم ؟!!=علشااان ما للاوله غير راعيها

يالا لاله شفت نوض البرق ما شفنا بللها !! = يالا لاله صاحبي للعلم يخطيه ويخمه
يالا لاله قيل ما شال الحمول الا جملها = يالا لاله وانت تبرك مير ما فالحيل همه

اذا كنت لا جا الخصم تهرب فلا فلا=اشوفك مع اول روج تعط الفلا فلا
نجيب الك خبزة جبن ولا فلافلا=يقولون ما للعله الا مداويها

يالا لا له ياحمد كلمتك قدم الناس قلها=يالا لا له لو يموت الداب وسط الراس سمه
يالا لا له في عتيبه من بني عمي بطلها=يالا لا له وانت ضيعت الصويبه والمهمه

سبحنا البحر والبحر فوقك طما طما = واشوفك تطمطم في هروجك طما طما
ولا شبت النيران تاكل طماطا = علشان ما للاوله غير راعيها

يالا لاله ما عرفنا جدها والا هزلها = يالا لاله كل دابٍ نذبحه ونسد فمّه
يالا لاله ما وقف لك فاللزوم الا فحلها = يالا لاله مير علمي ما لقى قلبٍ يضمّه