ماعرفنا الهم والا الضـيم يومنا صغار = وقلت لا جار الزمان الله لوني صغير
عقبها سج الفكر ثم يم ماضيه استدار = وابتدت قصت حزن والقلب في هـمه يطير
اذكر ايام الطفوله واذكر ايام الديار = واذكر البيت الذي ذكراه يطربها الضمير
كن اثاثه من حرير وريح مسكه فالغبار = لا حشى ماكنه لا لوحه ابريشة خبير
لوحتن تحكي ضروف الوقت في هاك الجدار = والجدار اهموم صدري لا نضرتلها تثير
كل جرحن صابني فالدرب مع طول المسار = ثم اللد انضار فكري ثم ترجع تستدير
الله اكبر يابنات الفكر مدري ويش صار = راحت افكاري بحزني كنها بحرن غزير
اتوجد ياوجودي والحزن جاله مدار = وجد من ماتو عياله جوع يومنه فقير
لاصديق ولاعويل وفالخلا مندون جار = شايبن خلوه ربعه تالي ايامه ضرير
ياعسى من لامني ياخذه قصاف العمار = ولاتهنا في حياته بالبلا دايم يسير
كلها حال الذي في دنيته شاف الدمار = كل مالانت تعودله عبوسن قمطرير
احسبني باتهنا بالهوى واضويت نار = سبت الي قد هجرني لاكلام ولانذير
عزتــيلي من جـروحي لاتذكرته تثار = وعزتيله من فراقي في حياته وش يصير
ماعلى الدنيا ضمان ولا على الدنيا قرار = حكمة كلن عرفها لا مفر من المصير
وانتهت قصت حزن والليل يتلاه النهار = والفرح لابد فالدنيا ولو انه يسير
يالله انك تستر احوالي ولا كشف الستار = وانزل الرحمه علينا يارحيم وياكبير

المشاركة الأصلية كتبت بواسطة سنافي الهيلا (المشاركة 264345) صح لسانك قصيده رائعه من رائع

المشاركة الأصلية كتبت بواسطة المبتدي (المشاركة 264362) ماعلى الدنياضمان ولاعلى الدنياقرار,,,حكمةكلن عرفها لامفرمن المصير ابـــــــــــــــــــــداع يالشقاوي وصح السانك قصيده وافيه من وافي تحيتي وتقديري

المشاركة الأصلية كتبت بواسطة السميــــــري (المشاركة 264427) ماعلى الدنيا ضمان ولا على الدنيا قرار حكمة كلن عرفها لا مفر من المصير وانتهت قصت حزن والليل يتلاه النهار والفرح لابد فالدنيا ولو انه يسير .. . الله الله مبدع بكل معان الابدااع ياخالد .. قصيده جزله .. ومؤثره في نفس القارئ.. .. صح لساانك وفكرك .. ودمت للمعاني .. ..