سلام سلم اسلام ما هو من السلم=
فيه الحقوق تصان ماشابها ظلم=
للي يرد العلم ويشاهد العلم=
والموت حق وكل نفس تذوقه=

جتني اوراق فيها هظم حق وتعدي=مع قضيه جديده تو ما صدروها
دام سلك القضيه صار في وسط حدي=صرت حامي حماها وأعرف اللي جنوها

يامرحبا باللي يسلم من الجند=
وان عوّدت للحق فاسمك على البند=
ياعمر منت بخصم ليه ولا ند=
والموت حق وكل نفس ٍ تذوقه=

اصبر اصبر شوية لين ياتيك ردي=القضية ليا هالحين ما قرروها
بنت ابو زيد قامت في شعرها تكدي = لين غاروا عليها القوم حتى سبوها

الله الله الله
؛
؛
؛
صح لسانك يامشرفنا عمر الروقي
بدعه رائعه من شارع رائع
؛
؛
؛
صح لسانك ياصديقي غرابيل
رد وافي من شاعر وافي
؛
؛
؛
واصلوا متابع للابداع بين الصفين
؛؛؛؛
؛؛؛
؛؛
؛
تحيااااااااااااااتي

ان عودت للحق منته على حق=
بدق راسك يالشقي باللحن دق=
واليا عطيك سين ؟ جاوب ولي فق=
والموت حق وكل نفس تذوقه =

هد هد الرمايه هيه ياهيه هدي=والقضيه عليكم فالمحاكم قروها
بنت ابو زيد فيها شامتن ماتندي=بالحلم ماسبوها كيف واقع خذوها

تبغا النصيحة اخذ عبرة من الناس=
واخذلك مشعابٍ يطسّك على الراس=
واعرف ترى مالك معي غير الافلاس =
والموت حق وكل نفسٍ تذوقه=

جيتني باخر المشوار تبغا التصدي=عش حياتك وخل الحق للي حموها
ياعمر يالافندي طال ليل التحدي=كيف تبغى الرياسه وانت راقد يبوها

ابغاك توف العلم وانته تناصح=
والصح كان الصح يفهم على صح=
اليا وطاك العلم ياصاحبي صح=
والموت حق وكل نفسن تذوقه=

جيتك وجاك علمي صف والموت يعدي=لانك تمد قوم ن بالمدد لا غزوها
كثر دس الحقايق ظن ماهوب يجدي=كل حرفن نطقه يالسنافي لقوها

ان كان ماتبغى نصيحة ولا شي=
بعطيك مايعجب سمّوك بلاشي=
ياعمر لاتزعل ترى منت لاشي=
والموت حق وكل نفسٍ تذوقه=

وابك انا جيت اببني جدركم يوم هدي = وانطح القوم واذبحها ليا من نووها
كلمة الحق وحده والذهب مايصدي= وبنت ابو زيد نرضيها ليا زعلوها

بعض العرب ياصاحبي فيه حكه=
ودك على على عرض العلابي تصكه=
مهوب قصدك يالسنافي( بمكه)=
والموت حق 000000000000000=

لا لقا ربع ثغره بالخفا قام ضدي=يكذب اكذاب كبرى والعرب ينشروها
يوم صار بغيابي فيه للرد شدي=علموا بنت عذرا بالفرج علموها