جتني بعد غيبه الشهرين مشتاقه=تختال يمي حنين الولف يدفعها
المح بريق الدموع بداخل احداقه=وفي بالها كلمه عيت تطلعها
يبي يبرر ظروف الوقت وافراقه= وانا مصدق علومه قبل لا اسمعها
اكبر دليل يبرهن صادق اشواقه=من يوم جتني تعلمني مدامعها
هلا هلا ياطلوع الصبح واشراقه=يافرحه العمر ياشتئ دوافعها
اشعلت ليل الطرب بعيون عشاقه=ورديت روح على الهم ضيعها
عاشقك عشقك ترعرع داخل اعماقه= من الطفوله فواتيره وانا ادفعها
واصبحت سيد نزيف الحبر فاوراقه=اصعب طروق الشعر لرضاك طوعها
فيك التماثيل منقاده ومنساقه=ياملهمه صادق اشعاري ودافعها
كذب الجمال الخرافي واقعك فاقه=احلى التواصيف فيك الله مجمعها
الزين واصل النسب والطبع واخلاقه=على عروش الحلا يجدر تربعها
في جيته نشوه الخفاق واشواقه=سعاده القلب شوفه مقترن معها
وفي غيبته بي يضيق الكون وافاقه=والقلب للحزن بيبانه يشرعها
والعين تظماء السهر ويجود بعناقه=والنفس حمل الكدر والهم يجزعها
ياليت مالي مع اصحاب الزمل ناقه=ويرتاح من لوعه الفرقا مولعها