يالله يارحمن يافارج الهم=تفرج هموم المسلمين الغلابا
من شخص يكتب في محمد ويرسم=انزل عليه اليوم اشد العذابا
ياأمة الاسلام هيا نتحيزم=رسولنا زادت عليه الحرابا
سب النبي على الاوادم محرم=رسول ربي والبشر مايعابا
نزهك ربي يالرسول المكرم=انته منزه من زمان الصحابا
وأنته على كل الخلايق مقدم=وانته شفيع الخلق يوم الحسابا
حنا كما الطلاب وانت المعلم=علمتنا درب الخطا والصوابا
نفداك بالارواح ونفداك بالدم=نارد على نار العدا ما نهابا
والكلب ولد الكلب لوه ينمنم=غلاك يبقى رغم نبح الكلابا
واختامها عليك اصلي واسلم=اعداد ماينزل مطر من سحابا