لي مدة(ن)في كوكب الصمت مسجون=اخاف ابوح بحبي اللي كتمته
حب(ب) جعلته داخل القلب مكنون = ولولا الغلا يا صاحبي ما جعلته
خلف الضلوع العوج بالصدر مدفون = في وسط قلبي من جروحي دفنته
أنت الوحيد اللي به اليوم مفتون = وأنت الوحيد اللي بقلبي عشقته
والقلب في يمناك يا حب مرهون = قلبي على شانك حبيبي رهنته
هذي الحقيقة والحقيقة لها عيون = قلبي بحبك طايل(ن) فيه صمته
لكن أنا خايف من الناس يدرون = وأخسر حبيبي ومابنيته هدمته
أنا لك أنت وفيه مغرم ومجنون = وحب المّلوح أشهد إني وصلته
أنا المّلوح وأنت ليلى بهالكون = حب المّلوح عاد وأنت ربحته