قال العصيمي من طواري ضميره=مثايل(ن) بالشعر بيت(ن) ورى بيت
كتبتها للأهل الوجيه السفيره=ولحنتها في لحن ساحب وغنيت
بنات فكري فالمعاني بصيره=عنوانها يامرحبابك ليا جيت
انا .. وقلبي .. والضلوع القصيره=اقلط تربع ياهلابك وحييت
فداك عمري ياهوى البال ديره=ديره على كيفك مدام انت حليت
حبك بقلبي ماتزيله عشيره=من هو يزيل الماء ليا خالطه زيت
ترى العصيمي ماعرف وش مصيره=عايش على حبك ليا اصبحت وامسيت
يوم الكبيره ماتعود صغيره= انا على راس الطويله تعليت
رسمتلك صوره .. جميله .. شهيره=في داخلي يومك على النفس طليت
وعاهتني واليوم خنت المسيره=وجيت اتنشد ليش عني تباطيت
واثرك نويت تروح روحت سميره=الله يسهلك مدام انت قفيت
يكفيك من شره ويعطيك خيره=ياصاحبي راع الشرف عالي الصيت
كلن يدور فالزمان الستيره=وصديت عن عيني وانا اليوم صديت
روحي وناصر شوفي اليوم غيره=ماعاد تنفع كلمة اليوم ياليت

حبـك بقلبـي ماتزيلـه عشـيـره=من هو يزيل الماء ليا خالطه زيـت
ترى العصيمي ماعرف وش مصيره=عايش على حبك ليا اصبحت وامسيت