قصيدة لبندر بن سرور
 

هذه احدى قصائد الشاعر الكبير بندربن سرورــ رحمه الله ــ
يالله ياجال الامور المهمه "=" تجلي وهق قلب برى حال راعيه
البر دجته والبحر رحت يمه "=" ادرج سبب حظ على الله مساعيه
يوم ان ولد اللاش رزقه على امه"="رزقي على اللي ميت القشع يحييه
ماني وانا بندر ببياع دمه"="يقطعك يا بياع دمه ومهفيه
اللي يبيع لابسات الازمه"="ثور يبي بيض العماهيج تغنيه
يزعل ليا جت ليلة الدول يمه "=" يرضى بسوق المال باخيه وابيه
خطو البخيل اللي يكبر معمه "="يقرا الكتاب وواجب الله مخليه
اما هرج له في رفيقه بنمه "="والا عطا وامه تضيع هقاويه
يا مل قلب كل ما مات همه "="دارت دواليب الدهر لين تحييه
فراق شمل الناس عيا يلمه "="وقت يشيب الراس من شاية فيه
احدن ينام وحط راسه بكمه "="واحدن تخم النوم عينه وتخطيه
واحدن يحاول بالردى بنت عمه "="واحدن يحاول ستر عذرا عوانيه
تخالف الانظار شرق ويمه "="كل هدف راية من الناس مرضيه
انشدك ياللي كل شي تتمه "="تقرا الكتاب وكل فرض تصليه
ويش القليب اللي عميق مجمه "="ماسر غرسه ماه عطشى سوانيه
سم السبب ياعارف عنه سمه "="سم السبب ياعارفه قبل اسميه

--------------------------------------------------------------------------------

بن صنيديح لا هنت على القصيده للشاعر الكبير بندر بن سرور الله رحمه واسكنه فسيح جناته
مانيب ونا بندر ببياع دمه يقطعك يا بياع دمك ومهفيه
تصحيح البيت
مانيب ونا بندر ببياع دمه يقطعك يا بياع دمك وشاريه


ابن عمك ابن الدلوح.........

صح لسان الشاعر بندر بن سرور

ويعطيك العافية بن صنيدح الروقي

بن صنيدح مشكور على النقل


وذيب الحنابج مكشور على التنسيق والاطار الحلو