بعض العرب اليا كتب بيت يفخر=يقول أنا شاعر وعندي دواوين
وليا كتب له بيت ثاني تجبر=يقول ماقدي يكود السلاطين
وليا كتب له بيت ثالث تعصر=يقول ماشعر(ن)يجي الناس باللين
وليا كتب له بيت رابع تعسر=يقول والله لاكتبك غصب وتلين
وليا كتب له بيت خامس وكسر=يقول أثر الشعر بحر وموازين
هذا يمر بكل واحد تصدر=وقال أنا شاعر وفارس ميادين
ياهيه هذا ملك رجل(ن) تصبر=داس الدروب الجرهدية بتمكين
الشعر فن وعلم ماهو بمظهر=ما حد يعرف صاحب الشعر بالعين
حذرى تقول الشعر حذرى تغرر=حتى تمرس فيه وتشيع وتبين
إذا وعيت الشعر قوم وتقدر=واحذر يغرك صوت شجعك مسكين
الشعر ماهو لك ياللي تسطر= لا لا ولا هو لي بحكم القوانين
الشعر للي يكتب أبيات تذكر=ومسطره داخل قلوب الموامين

الله الله الله الله


يابو زياد صح لسانك ملايين


ابداع وابيات جزله من شاعر مبدع


الله يعطيك العافيه وفي انتظار جديدك



تقبل تحياااااااااااااااااااااااااااتي