اضرب خرايم نجد.... لغازي بن عون
 

بسم الله الرحمن الرحيم
هذه القصيده للشاعر الكبير /غازي بن دخيل الله بن عون الرويس

موجهه لابن عمه حشر بن نايف بن عون من باب النصح
وحبيت انقلها لهذا المنتدى الرائع
وهذه القصيده....................

ياحشر عيشك بالصحاري وممشاك .....................يسوى حياة الي حياته سماجـــــه
دارا لجـــدانك ربو فيه وابـــــــــاك....................... عاشو على ماه الهماج وعجاجه
اضرب خرايم نجد لاعمست ارياك....................... لو ماتفيد الا هــــــواه وزراجــــه
وملفاك في بيت نشمـــيا وممـساك.......................في بيت نشميا يجيبك سراجــــــــه
اليا لفيته من اطيب الفرق عشـاك.................... واليا قابلته قام يضحـــك احجاجــــه
وحذراك تلفي على الـنذل حــذراك...................... وحذرا تدور عند الانـذال حاجــــــه
اما ظهر من بـــاب بيته وخـــــلاك ....................... ولا ذبـــح لـك ديــك ولادجاجـــــه
ولا قعد باقصى محـــله ولاجـــــاك....................... وانت قعــدت تواجــه الي تواجــه

وسلامتكم....................

تسلم على النقل

ومشكور

تسلم والله ياسطام علي القصيدة الرائعة للشاعر الكبير غازي بن دخيل اللة
تقبل خالص التحية يابن العم

عنيد الفكر
شارب فنجال بوش
الله لا يهينكم على المرور الكريم
وماقصرتم

لاهنت يالغالي