هات القلم عيّت عيوني عن النوم = والشعر جاله فالطواريق فاقه
مغير أعد نجوم وأراقب نجوم = والله يستر لأرتكبلي حماقه
ياطير ياللي بالسماء تكسر الحوم = مالي على المجلاس والصبر طاقه
سلفني الجنحان وأبوك مرحوم = أبوك من بيني وبينه صداقه
وأعطيك رجلٍ تدهل هضاب ورجوم = وإلها مع السجات عهد وعلاقه
رجلٍ مضريها على كل مزموم = وأليا قبلت أبشر ترى إلها لحاقه
قل تم وألا قلنا نفرق السوم = وإعرف ترا ماني براعي طفاقه
إلنا مواثيقٍ وعادات وأسلوم = نحرص على خوة صدوق الرفاقه
مغير ابا أوصل غايتلي وملزوم = عسى وليدك ماتجيه الأعاقه
حكمي صدر ياطير لكن مظلوم = دخلت في سجنٍ جويدٍ وثاقه
ماشفت حريه ولاني بمعدوم = والزاد مالي منه غير الذواقه
واللي حكمني دكتاتوري ومن قوم = يصدّر الأحكام بآخر رواقه
يشرب زلال ويعطي الكاس مسموم = مافيه لارحمه ولابه لباقه
ضني فهمت ولا تبا شرح وعلوم = وآخر كلامي لك تحيه وباقه