ياسلام الله على العتبان والنيه مطيه= جيتكم يالاد عمي ودي اضحك واتسلا
مورقي من سلايل روق راعين الحميه=والرفيق اللي علومه وافيه ماينتخلا

يا هلا يا مرحبا بك من هواجيس(ن) نقيه=من هواجيس(ن) نقيه دايم(ن) فوق اتّعلا
والله ونعمين فيكم من رجال(ن) صيرميه=مار انا من يم برقا شاعر(ن) ما ينتغلاّ

ما نقصنا حق برقا لو وهبنا فالعطيه= لو نقصنا حقهم عيبن علينا وانتبلا
مانسانا فعل برقا فالعصور الاوليه=مانسينا فعلهم يومن ولد اللاش ذلا