لا ضاق صدري من هموم تولاه=وزاد العماس وقان صدري يفوحي
انا بلاي الي على الرب مشكاه=الي محرولني وانا ازريت اروحي
لولا شراب العظم يوم اني املاه=اكويه بالجمر ويكوي جروحي
مع دله صفرا على النار مركاه=ابصر بصبتها على كيف روحي
فنجالها يشدي خضاب الخونداه=الي تخطا عند اهلها طموحي
لاطق طقه محه البيض بخباه=لا قام هاجوس الضماير يجوحي
يامكيف الفنجال خصص هل الجاه=راعي الجمايل قبل قن قموحي
صبه لمن هو تنثر الدم يمناه=يثني جواده عند راعي اللدوحي
والثاني الي ماتوني مطاياه=يضوي الى صكت عليه النبوحي
وعده لمن عوص النجايب تنصاه=ريف لهن لاجا الزمان اللدوحي
دب الدهر يضحك عجاجه لمن جاه=وقت المعاسر مارد مايزوحي
وباقي رجال فحول نسوان ورعاه=ضباط مال وحافظين السروحي
وراع الردىآ ماحد الىآ مات ينعاه=لا صار محروم جبان شحوحي

الغوج ياصبرة على الجوع صبراه=الخرج قل ويشتريلة من السـوق
فان كان جابلة العلـف ماتعشـاه=حطة قبالـة مايذوقـة ولـوذوق
باكر اليامن جاك راعـي سبلتـاه=واستحلقوهن بالمزاييج والمـوق
اما يحيك دحيم والرمـح يسنـاه=والايخلى طايحـاً تقـل جالـوق

يا طارش مني لأبن سلطان=حـرٍ مقانيـصـه بعـيـد
كان يتمنى سربـة العتبـان=يبشـر بهـا علـم وكيـد
يبشر بخيل فوقها فرسـان=بيدينهـم صافـي الحديـد
من فعلهم عينت ابن شوفان=وحسيـن حمـاي البلـيـد
وبندر رموا به داخل الميدان=وهو علـى السنـة وكيـد
والبل خذيناهـا بالحيطـان=وخذنا الودايع والمعيد