بعد بسم الله واعوذ مـن الرجيـم = احمد الله واشكره واثنـي عليـه
الوحيد اللي عـن الخافـي عليـم = غافر الـزلات رب (ن) نرتجيـه
دربنـا درب الصـراط المستقيـم = وكل سلّم بـا المراجـل معتليـه
مانظرنـا يــم زلات السقـيـم = ولاحسبنا كـل خطـوات السفيـه
نارنا ماهيب ساف(ن) في هشيـم = كان شبـت كـل حي(ن)تشتويـه
ولايولـع نارهـا رجل(ن)فهيـم = والعقـول العاقلـه ماترتضـيـه
وكل فارس لويقـال انـه عظيـم = المنايـا فـى الملاقـا تحتـريـه
ولايبان الفعل من سيف(ن)ثليـم = لوتشوف الـدم فوقـه مغتشيـه
ولايجيك الراي من راس (ن)سقيم = ولايباع البـوم ولاحد(ن)يشتريـه
ولايـزود المـدح رجال(ن)ذميـم = لو علـى رووس الثريـا تلتقيـه
ولاتنقـص ذمـة الخبـل الحليـم = لو علـى النمـات دايـم مقتفيـه
ولاتقارن جاهـل القـوم بحكيـم = وكل عاقل فـي دروبـه نقتديـه
والمكارم ماتجـي غيـر الكريـم = يوم ربي يخـذل الوجـه الكريـه
والعظايـم مالهـا غيـر العظيـم = يرتكـي لحمولـهـا لوتحتـديـه
ولاترافـق كـود رجال(ن)حشيـم = يقصدك ولحاجتـك دايـم تجيـه
كان جا للوقـت لوعات(ن)تضيـم = يفتديك ان كان طحـت وتفتديـه
ولايجي لك هافي القالـه خصيـم = ترفعه فـي منزل(ن)مـالاق فيـه
سفهتك للخبل ضربه فى الصميـم = مبتلـى والله بخلـقـه مبتلـيـه
ولايجي لك راعـي النمـه نديـم = ولاتحمّـل كـل شرهاتـك عليـه
وذي نصايح تنفع العقـل السليـم = والمجـرب مثـل عالـم اوفقيـه

المشاركة الأصلية كتبت بواسطة راع التعاليل (المشاركة 247191) ولاتقارن جاهـل القـوم بحكيـم ...............................وكل عاقل فـي دروبـه نقتديـه رايعه وجميله وصح لسان الشاعر ويسلم ابو مقرن حياك يا ابو مقرن اوفر تحياتي

المشاركة الأصلية كتبت بواسطة أبو نجر النفيعي (المشاركة 247193) صح السااانك قصيدة رائعه ننتظر جديدك اخوك

المشاركة الأصلية كتبت بواسطة ابن*** عاصم (المشاركة 247256) والمكارم ماتجـي غيـر الكريـم^^^^^يوم ربي يخـذل الوجـه الكريـه صح لسان القايل ومشكور على المشاركة المتميزة الى الامام..ابو مقرن.. ‘‘‘اخوك ابن***عاصم‘‘‘