الشاعر الكبير/ مطلق بن حمّيد الثبيتي )رحمه الله و شليويح بن شلاح المطيري
 

هذه المحاورة جرت في عام 1406ه في مدينة عنيزة بين الشاعرين: الشاعر الكبير/ مطلق بن حمّيد الثبيتي )رحمه الله( والشاعر الكبير/ شليويح بن شلاح المطيري.
مطلق الثبيتي
* مطلق:



يا المطيري جيتنا ثم فرقت الجماعه
قمت ترسل فالسواليف لين ادوخت راسي
لو تريض لي وتسمع علومي ربع ساعه
كان ابعطيك الذهب صايغه بفصوص ماسي


* شليويح:



المطيري ما يخون الأمانه والوداعه
لا تغيرك الروابع وخل القلب راسي
لو يجوع الذيب فالبر ما ياكل ذراعه
بيننا رفقه وعلمٍ نقيسه بالقياسي


* مطلق:



كل ما لديت فيّه يصيب القلب راعه
وأثر خشمك هضبةٍ ما يواسيها المواسي
جيشكم ما عاد نعرف هجومه من دفاعه
كل جنديٍ يدوس له دربٍ ما يداسي


* شليويح:



يا ثبيتي ليت عندك عن الحمى مناعه
الطعام اللي تلوث يبين بالتباسي
المذيع اللي يسولف بنشرات الاذاعه
مرتكي له جوف غرفه ولا عنده كراسي


* مطلق:



ترضع الخلفه لحالك وطغتك الرضاعه
باتت الأجواد واما أنت جاي لك حساسي
كل هندي فوق شط البحر باني شراعه
صار شاطر مثلكم فالصرام وفالدياسي


* شليويح:



درّها في جوف بطنك ولا عقبك طماعه
تشرب الطاسه لحالك وحاديك الحماسي
وأنت رجلٍ شافعي مير ضيعت الشفاعه
لو قلنا ناسي الدين وأنك ما انت ناسي


* مطلق:



مانبي يا قوم من سوقكم شريه وباعه
لو بسطنا بالذهب عندكم يرجع نحاسي
يالخزاعي طيع شوري وعود مع خزاعه
قبل تصحي بك عيونٍ مطاولها النعاسي

بيض الله وجهك على هالمشاركة يا@عريب الساس @ , رحم الله مطلق الثبيتي ورحم الله اموات المسلمين , كان من كبار شعار المحاورة بدون منازع , وشليويح المطيري اطال الله عمرة كان صديقاً له ومن كبار شعار المحاورة , والمحاورات التي تحصل بينهم كانت شيقة للغاية.


الف شكر ياخوي @عريب الساس @.



تحياتي.

شكرا لك يابن مشيب على مرورك وتعقيبك الجميل وهذا شي قليل

مما يستحقه شاعرنا مطلق الثبيتي (راعي الباكور) رحمه الله واسكنه

فسيح جناته

وتقبل تحياتي اخوك/

@عريب الساس@|238| |238| |238|

بيض الله وجهك اخي عريب الساس
ومشكور على نقل هذه المحاورة التي كانت بين اثنين من عمالقة شعر المحاورة والله يرحم الثبيتي ويحفظ المطيري



تحياتي

ومن يقول يا الصنهاتي وعسى ان نقدم مايرضي الجميع وهذا الثبيتي

ماهو اي شاعر فرحمه الله واسكنه فسيح جناته اللهم امين.............

وتقبل تحياتي اخوك/
@عريب الساس@|238| |238| |238|