الهيـــــــــــــلا *** منتدى قبيلة عتيبة - من يوم كل(ن)قام يكتب قصايد‘‘‘

- قصائد الأعضاء (http://www.otaibah.net/m/forumdisplay.php?f=10)

- - من يوم كل(ن)قام يكتب قصايد‘‘‘ (http://www.otaibah.net/m/showthread.php?t=28873)

من يوم كل(ن)قام يكتب قصايد‘‘‘

مـــــن يوم كل(ن) قام يكتب قصايد@@@ويعد نفسه من شراف البدايد

من يوم كان الرجــــل بالحيل هادي@@@اليوم شفته طاش ماهو بهايد

يفــخر بشــــعره كـــن مافيه شاعر@@@ مثله ولا زيّه جابن الولايد

يصيح صوته لا سمع من يوده@@@ويدس صوته عند راع العوايد

ياكم من شاعر مدح في عتيبه@@@ماهو بوحده بس غنّا نشايد

هـو مـــادرى انــــه لي فالعز هيبه@@@صميدع(ن) راسي بوقت الصمايد

عــــتـــيــبـــه الهــيلا تراها عطتني@@@حب(ن) بقلبي والفرح والسعايد

افــــــعـــــــــالها تشهد عليها عداها@@@لا شبت الهيجا براس الوقايد

حريـــبــــــنـــــا مــايهتني في منامه@@@ياكم جرح(ن) جاه ماله ضمايد

بــــــالرمــح والشلفا وضرب المهند@@@ماذاقت الراحه ببيض الوسايد

لــطـامــة الـعـايــــــل عـلى كل جانب@@@ذباحة الحايل بوقت الشدايد

وهـم حـــماة الدار مــــــن كـل غازي@@@وهم حماة العطفه ام القلايد

يـهـابـه الـخصـم اـلشـديـد الـمـعـــادي@@@وان كان جانا العيد جانا يعايد

زبـن الـدخـيـل الـلي دخـل فـي حـماها@@@تاطى على قوة شديد البنايد

وريف الضعيف اللي شكى من زمانه@@@تعطيه لامن دار حوله عوايد

افعالهم من قبل ماحد(ن) غواها@@@حتى الكتب تعلم بها والجرايد

لو جيت اعدد وصفهم والفعايل@@@ماني بلاقي للوصايف عدايد

توصيفهم للي بيعدد وصوفهم@@@شى على الشاعر كبير(ن) وكايد

وانا عصيمي(ن) لياجاء لزومي@@@يعرف لزومي في نهار الطرايد

اولاد عاصم محتمين الفعايل@@@قطم المحازم فالرخا والشدايد

حنا صعاط الجن وحنا كعامهم@@@كم نخلف الهقوات هي والعقايد

ياكم لوينا عنق خصم(ن) معادي@@@وياكم عدلنا من عدو(ن) محايد

وانا ليا جاني خصيم(ن) محارب@@@لو كان يبغى فيد ماهو بفايد

والله لأسوقه مثل سوق الركايب@@@ان كان من بيني وبينه مدايد

وختامها صلوا على من دعانا@@@محمد الهادي عظيم الوفايد
************************************************** **
وسلامتكم‘‘‘‘

عــــتـــيــبـــه الهــيلا تراها عطتني@@@حب(ن) بقلبي والفرح والسعايد

الله اكبر

صح لسانك

واتشرف بان اكون اول من تصفح قصيدتك

سلمت يابن عاصم

يفــخر بشــــعره كـــن مافيه شاعر@@@ مثله ولا زيّه جابن الولايد

صح لساانك

تســلم على القصيده الاكثر من راعه

صح لسانك ولا تحرمنا من جديدك

..مشكور..عيضه الثبيتي..

‘‘بل انا لي الشرف ان تكون اول من تصفح القصيدة‘‘
..بن مياح الاسعدي..

..ذيب السبايا..

00شكرا على المرور00

.. عساكم على القوة ..

...
..
ابن عاصم بيض الله وجهك

حضور لفت الانتباه ورسخ بالاذهان

والله ونعم بالاد عاصم وقبايل عتيبها كلها

مودتي
.

..
ابن عاصم
اللي اعرف ان الهلالي والصخري
فقط من تأتي قصائده مهمله اي لايشترط الصدر بقافية

هل تاسحوب كذالك؟

..شكراً جزيلاً اخوي..خلف بن مرزوق..

..وياليت القى بمناسبة ها القصيدة منكم صنف او ترقية..

00 اما عن اهمال القافية بصدر القصيدة00

00 اقول القصيدة حكمتني وجتني على ها الاسلوب..

00 وخليتها على ما يقولون......على مبنى الشايب........00

...

مازلت انتظر الترقيه التي نلتها انت

وهي كتابتك قصيدة في عتيبة:)
...

...
,

ابداع يبان عاصم ..
قصيده تستحق الاشاده والثناء ..
في انتظار روائعك القادمه .

..

.