مراقي العلا صعب شديد سنودها =مكاد على عزم الدنايا صعودها
فمن رامها بالهون مانال وصلها =ولا رد غيظات العدا في كبودها
تراها بغالي الروح والمال والشقا =وصبر على مر الليالي وكودها
فلولا غلاها سامها كل مفلس =ولولا عناها كان كل يرودها
فلا كنها بالحزم والعزم والشقا =مخاطر بحلات خفي سدودها
وبذل العطافي ماجب الحمد والثنا =وخضب الهنادي بالدما من غمودها
واغضا نظير العين عن ذنب صاحب =تجي من صديق زلة ما يعودها
يجيبك إلى نادي المنادي لمطلب =سريع مطيع سالم من حقودها
وبالحلم عن زلات الاصحاب طوله =ولم العصا مايقطع الشر عودها
فلا طير إلا بالجناحين طاير =ولا كف إلا بالقوي من زنودها
فمن لا يرد الغيظ بالحلم زينت =له النفس حالات خبيث ورودها
ومن عنها بالصبر حتى يردها =يشوف مطاليع الهدى في ورودها
ولا فايت من صالح في هواده =ولا طايل في قص يمنى زنودها
ولا خير في عين حديد نظرها =قريب ويعمى شوفها عن حسودها
ومن لا يبادر فرصة في زمانه =على الضد يضحي نادم من فقودها
فمن هاب خاب وعاشت بالذل وأشرفت =عليه الاعادي طالبين حقودها
ومن أشرع الخطى ضحى الكون وانتضى =نهار الوغى بيض الظبا من غمودها
تحامى حماه الضد من نازح المدى =وذلت له أرقاب العدا في سجودها
ومن ودع أوباش البرايا حديثه=فهو عادم الشوفات مخط قصودها
فلا تورد الحاجات يوم لباخل =اياديه ما يرجى الجدا من مدودها
فمد الرجا واقصد جناب تعودت =بيمناه مد من غوالي قيودها
فمن عودك من فيض يمناه عاده =عليه لزوم بالسخا ان يعودها
ومن فك عن زنديك بالعسر يسره =وهي كان ملوي عليها زنودها
عطايا تجي من بارع الجود تنذخر =ويقضي العطايا عقب هذا وعودها
ترى ان كنت غاليت الثنا في مديحه =اجل عنك ما خاب الرجا في حصودها
فلا غير سعدون ملاذ الى غدت =علينا الليالي صايلات جنودها
مدحته على ما كان مقدار فعله =فلا عاش كتام الحساني جحودها
فهولي على الشدات عون ومقصد =ويا نعم مقصود لنا من ظهورها
بوجه طليق بالبشاشات مشرق =وعين عن العاني قليل صدورها
بكف حميدي كريم بنانه =وكم ذا جلا فقر المقلين جودها

المشاركة الأصلية كتبت بواسطة صخر الشيباني (المشاركة 244489) اخي وعزيزي... ابن مشيب صح السانك وصح قائلها تقبل تحياتي وتقديري اخووووووووك/ صخر الشيباني

المشاركة الأصلية كتبت بواسطة السميــــــري (المشاركة 244580) ,, لاهنت يابن مشيب قصيدة رائعه وجزله من راع البير فيها حكم ودرر الف شكر لك يالغالي على المجهود ,, اخوك

المشاركة الأصلية كتبت بواسطة مرزوق العتيبي (المشاركة 244584) ... . دائما متميّز في ماتطرحه وما تختاره يابن مشيب.. ... سلمت يداك وطاب ذوقك. .. .

المشاركة الأصلية كتبت بواسطة نبض المشاعر (المشاركة 244656) فـلا تـورد الحاجـات يـوم لبـاخـل اياديه ما يرجـى الجـدا مـن مدودهـا فمـد الرجـا واقصـد جنـاب تعـودت بيمنـاه مـد مـن غوالـي قيـودهـا طرحت فأبدعت يابن مشيب قصيدة معبرة يالغالي صح لسانك وطاب مسائك ودام عطـــائك