يا لله يا معبـود أغـيــث العبـادي=آمر غيوم المزن ترعـد بالأمطـار
ابـرحمتك تـسقي نـواح الـــبلادي=حـتى يحدث بالمطـر كل من سار
وتكسي أنواع العشب كل الـــوهادي=ترعى مواش البـدو نبته والأقفـار
محتاج لك كل الحضــر والبــوادي=مـا عنك يغني تحليـه مي الابحار
ما عند غيرك منتـهاه النـــــفادي=الحدائق وسطها تجـر الأنهـار
إن كان ما جاها المطر ما ستفــادي=حدائقها ومـاء أنهارها غـار
وإن حل فعل أذنوبنــا بالنـــكادي=أنت الذي يـا رب للذنب غفــار
يدعو شـيوخ رافعيـــن الأيــادي=بأسماك تطلـب رحمتك سر وجهار
وترحم أطفال توهـــم بالمـــهادي=ما جالهم زلـة حـديثي الأعمــار
وبهائم ما عاد فيــها مفـــــادي=إن كان ما حالـها المطر سوقها بار
ومزارع عطشانة بكـــــل وادي=زراعـها مـن قلة الوبل محتـار
أرسل غيوم المزن ترعد إرعـــادي=وبرحمة الله تـنتهي كل الأضـرار
وإن جاء المطر والعشب غطى الحمادي=وتعاقبت فيه الـنوامي بالأزهــار
ريـحه يـفوح وبه يطيب الفـــؤادي=كنك بسوق به دكـاكين عـــطار
بعـد المطر كــل تريـح و كــادي=كل تفــرغ للـسوالف والأخبـار
راع الغـنم باله تــريح وهـــادي =مال الهمـوم بـخاطره علم وأذكار
من راحته تطري علـيه المبــــادي=تبادل المســـيار جار على جـار
وراع الـزراعة صمم الاجـتهــادي=يزرع يـبا يوجد مـحاصيل الأثمار
والحضر معها الماء توفـــر وزادي=كثرت وقـرتّ له أسعار
المـاء حيـاة ولا يجيلـه امـــلادي=بالماء تعيش الناس وتعيش الأشجار
على المواطـن واجــب اقتصــادي=ما زاد عن حاجتك يا المسلم ابـذار
ومبـذر المـاء للنصائح معـــادي =جاهل ومن كثر الجهل عمى الأبصار
يـا رب تهدينا لــدرب الرشــادي=ودم لـنا النعمة وتأمن لنـا الـدار