البارحه كلن علـى النـوم هملـجُ=وانا هدب عيني على النوم مغتاض
باسباب قاف ٍ رجنـي ياعـرب رجُ=مابين صدر القاف والعجز ركـاض
لأجل العصيمي زبدة الشعر تهـرجُ=والشعر مثل الشيب محشوم لاناض
رجل ٍ ولي بين الشواعيـر منهـجُ=نقاض فتل القـاف فتـال نقـاض
من لابة ٍ إبها الفخـر بانـي بـرجُ=حمر النواظر والفكر بالفخر هـاض
يعني على صدر الكرامـه مطنـجُ=ازن كلامي عن رديـات الالفـاض
ايو الله اني عنصري مير ما اسـجُ=اقـدر زحـول القبايـل ولحـاض
نرفا على رخوم العرب لو هرج عجُ=من شان ماتشره رياجيل ٍ عـراض
سـلام ياليـل ٍ معازيبـه تـفـج ُ=يوم الوغا شلف ٍ وخيل ٍ ومركاض
عتيبه الي مامشـت درب ٍ اعـوجُ=عن حاضر العتبان ينبيكم المـاض
نحبكم بالسلـم والحـرب لأسـرجُ=انتم وحنـا والحـدب بيننـا قـاض
خوه ونخـوه بيننـا دون مامـزجُ=والطيب من بين المناعيـر نهـاض
وسلام يلـي بالصعيبـات مخـرجُ=لايابونايف والشعر لاجلكـم فـاض
يلي فعولك كنُهـا الرجـم الابلـجُ=ماولفتهـا ذرة اللـيـل لاخــاض
كريـم سبـلا والكـرم مايتحجـجُ=لاعانقه قرم ٍ على العـز حفـاض
حر ٍ ولـد حـر ٍ وصـدره تبهـجُ=ضحكة حجاجه للمسايير ملحـاض
حرام عن قـرب الرديـه محجـجُ=مزبان من كضه من الوقت كضاض
والمعذره والفكـر يقصـر أيلالـجُ=والقاف يبطي ماوفالك إيلا هـاض
وختامها صلوا على مثبـت النهـجُ=عداد براق ٍ علـى الطايلـه نـاض