ماحب السواحل منوتي شوفة الريضان=ونسيم الهبوب ليا اعربت جوهاصافي
ولاحب الغنم شفـي لياساقوالقطعـان=بضل الامان اللي على موطني ضافي
بلادي بلاد العدل تفرق عن الاوطـان=لهامع جميع العرب فزعـة وميقافـي
بناهامعزي واثبت السـاس للبنيـان=وسارت على المنهاج وافي بعد وافي
علمهايفوق بذكرربـي رفيـع الشـان=وسيف ٍمعلق فيـه رمـز ٍللانصافـي
عساهاتدوم بعزفي شايـة الرحمـان=بلادالشرف مايسكنـه غيرالاشرافـي
ماسجلت رحلات ٍعلى الهندواليونـان=اسج بصحاري نجد في كل مشرافـي
لعـل السحـاب ليانشاالممطرالـودان=شعيب ٍنحبه جعل تسقيـه الاريافـي
يزين النبات من الينوفـي لياجمـران=مداهيل حلوات اللبن حـم الاشعافـي
هذاالموقع اللي نسكنه ماضي الازمان=بقب المهارالسرد مع سوق الاسلافـي
ورضينابحكم الشرع رغم ٍعلى العدوان=ولياجات للاصـلاح للصلـح عرافـي
هوازن قبايلناومـن مارثـة عدنـان=وبيـت ٍبنـاه الله نـزوره ونطافـي

ليا بكر الوسمي وسقنا سهاف البوش =نسوق القطيع الي ينومس مع البدوان
محاويشنا ماهي فرقة غنم وعفوش =طوال الرقاب الي تكاسر على الحيران
ورى عبلة الصاقب لها مارد نقروش =وليا زرفلت تبرى الشيابين والكرزان
تحب الخلل والحمض مرن تنوشه نوش = وليا زاف نبت الوسم ترعابه الصمان
يوم الهوش نثني دونها كل ماجا هوش= سكنا قرارة نجد ونطارد الفرسان
تحد الدويش وطاح فيصل بعد علوش =وذخاير عقاب الي لهم في المجد شان
واليوم البلد محكوم مافيه نهب ولا طوش = رضينا بشرع اللة وصرنا سوا واخوان [/size]