لا واخولي عقب فرقاه باضيع =كني بما يجري من العمر داري
اخوي يا ستر البني المفاريع =مطلق لسان الي باهلها تماري
ما قط يوم شد بين المفاريع =يا كود ما بين الكمي والمشاري
ليته عصاني مرة قال ما طيع =كود اني اصبر يوم تجري الجواري
انا أشهد انه لي سريع المنافيع =عبد المليكً لي ولاني بشاري
تشهد عليه مناتلات المصاريع =واعداه من كفه تشوف العزاري
يمناه تنثر من دماهم قراطيع =وعوق العديم اللي بدمه يثاري
جدّاع سفرين الوجيه المداريع =مخلي سروج الخيل منهم عواري
القلب ما ينسى بعيد المناويع =ليث على صيد المشاهير ضاري