سلام رديةٍ فيها كثير السلام=والشاعر اللي يجي يصحى ويفهملنا
بنت الهوى عافت الشاعر في سن الفطام=بنت الهوى عاشرتني ماتبا غير انا

يامرحبا بالمسُلم في جزيل الكلام= والشاعر اللي دليله يسلك دروبنا
لو عافته ياغربيل الدهر ماتلام=وانا معك ياعميلي وانتم ادرو بنا

الله يديم البقا والشعر نظمن و عام=واللي تمنى تمنى مايفيد المنا
تبا تعيفه وتشكي كل عامن وعام=والشعر والنار والبارود من سلمنا

انته تدور شداد ولا لقيت المسام=اشتر مطيتك ثم دور يامال الغنا
لو شفت سرب القطا لا مر سرب الحمام=اثر الخلايق تعيش بحرب دايم عنا

انا ما ادوّر واحمد الله بكثر النعام=والعقل نعمة كبيرة وانت لاتغثنا
هل تعلم انك بعد عشرين يوم وصيام=صوم الشهر واطلب الرحمة لا اشوفك هنا

السالفه يالغليم ماش شرب وطعام=والاجل من بعد جيتك يم عمرك دنا
حتيش لو كان في خشمك بليت عرام=ابدهكه لين برق سهيل يوضي سنا