يالله يارب عبـدن سـارحٍ تـوه=يوم المواذين تذن في مساجدهـا
نطرد وراء الرزق والارزاق تلهوه=ليـن المنايـا توردنـا موردهـا
الحايز اللي من القبله زفـا نـوه=قدامه الارض خاليتـن قواعدهـا
ان كان ما باشروه الناس من توه=والله ليحرم هل الهقوه مقاصدهـا
واللي يبي من حلال الناس بالقوه=والله ليتعب وهو ما فـاد فايدهـا
واللي يحط الرداء والكره تلهـوه=الزرعه اللي زرعها صبح حاصدها
ان كان ما فالقبيله رفق ومـروه=لاخير فيها عسى الجلاد يجلدهـا
رجلن يبى منك رفقن زين وعنوه=افقد معانيـه وعلومـك تفقدهـا
لاترخص العار عند الاش والبـوه=تجيك بكـره مقطعتـن قلايدهـا
واليا نصحته يقول اللي تبي سوه=والمشكله كان ماليتن صوايدهـا
لاتعطي السد من لايعرف الخـوه=والسالفه عن طويل اذراع سندها
المال خلا الغناوي صافيـن جـوه=والعسر رد النشاما عن عوايدهـا