سلام الله على العتبان واللي زاير العتبان = سلام مايقال الا لناس نارهم حيه
وش الله فاعل فينا لونك رحت يالبنان = نوقف مثل ابومتعب لاوقف للسعوديه

هلا يامرحبا ترحيبة العتبان بالضيفان=تفضل ياولد راشد واخذ فنجال بريه
تبا تقفي ويقفي من وراها مصر والسودان=وحنا نشجب الموضوع لا ذيه ولا ذيه

المشاركة الأصلية كتبت بواسطة بعيـد الهقاوي تبا تقفي ويقفي من وراها مصر والسودان=وحنا نشجب الموضوع لا ذيه ولا ذيه

يدم بك البقا ياللي ترحب والبيوت سمان = نباها ليلة ياصاحبي ماهي بعاديه
لابله ماتقفي في زمن حمزه وابن عفان = لكن هذا زمانك يالولايات المريكيه

توكلنا على الله يالسنافي وافتح البيبان=نبا ناخذ مع الدرب العسر يالغالي أشويه
هذولا كلهم روح زمنهم روحت الافغان=ولو رجعوا ماتفرح في فلسطين اليهوديه

توكلنا على الله وان سرينا فتح الاعيان = ترا الليل ان تحملت اوله ياهون تاليه
ترى ماراح شي وعان هذي ساحة الميدان = لكن الناس ماتبغي الحكي هذا وطاريه

ولا يالشاعر اليامي تقدم للزوم أحصان=وحنا ناخذ الحسنه ولا نرضالك السيه
اشوفك مرتبك يوم السعيره جالها دخان=وحنا مانهاب الموت والعزوه عتيبيه