ياعـلـي دن مـن الـركــايــب زمـــاله= مـن مـبـعــدات الـغـــيـظ و مــقــربــاته
بـنــت اشـعـلن عـنـد اللـحــاوي عـياله = حــــراََ شــمــالين ســـبــــاقن بـــنـــاتــه
والجـيــش تــأخذ لـه سـنـه بالــشـمـاله = و مـغــيـــراََ مــا يــضـــرب ألا خــواته
جـيـشـن مــع الـعـزام أصـايل جـماله = قــعّـــيــد الــراعــــي تـجــيـــكــم رواته
عسـلـوجـتن مـثـل الــغـزال وخــياله = ألا الــظـهـــر عــــدلاََ قــــراه و قــطاته
ولــهـا مـن الـسـرحـان زول وهـلاله = و ســمــوع و عــيــون تــسـوي ســواته
و مــربـاعها شــرق الطـويل وتـبـاله = و لــهــا عـلـى الــوادي إلـى جـت فلاته
مــع وادي الــسـرحان تـتـبـع هــماله= مـــارس يـــورد غــيــر جـــت وارداته
لــيــن أصـبحــت مع كل ركـاب ياله = ألا جــنــيـــن و لــعــــنــت خــيـــراتـه
وشــد الـشــداد وعـلـقـوا لـه حـبــاله = و عــلـق صــمـيـل الـقـيـض بشويلاته
وذراعـهــا لا مـيـر تـطــلق عـقــاله= لــيــن المـصـلـي يــنــتـهي من صلاته
لــو شــفـتها رفـضه ترا بـهـا زعاله = إلـى شــافــت الـركــاب يـطـوي عباته
لــن كــان ما مـع ركبـته ضف حاله = ولا حــذفـــت بالــخــــرج و مــلولحاته
و ركــب بــأمـان الله و خذلك رساله = و وصــل بــيــان الــخــط بـمــزرفاته
ومــر الـمـديـنـة وســل ألـي حــواله = و الــلـي عـلى طـرفـك عطه موجباته
و سـلـم عـلـى سـكـان مـكـــه بـعـاله = و مــن عـنـد فـيـصــل يــأخـذ مرتباته
و تـلـقـى ثـلاثة عـايــلا الـجـرد قاله = يــذارعـــون الــوقـت فــي طــايـــلاته
و معيـض مـره قـبـلهم وخــذ فــالـه = أولــم عـلـى وقـت الـغــذا طـبـخ شـاته
و مـخـلــد لـونه فـي مـحــلــن لحاله = خــلــه بـسـمــر اللـيــل حـتـى تــبــاته
يـبهجـك بالـسمــره و تـسـمر دلالــه= و سـاعــه و نــص انــوم و مـكيـفـاته
و رحــل إلى جـاء وقت شد الرحاله = عـلــى طــريــق الـضـيـف و معدلاته
و حدر على مـا كف حضن وشماله = و مـن الـنـفــود لـيـا الـقرى وهضباته
و تـلـقـى رجـالــن كـامـلـين الرجاله = كــــلاًََْ بــوقــتــه بـايـنـت بــيـنـــاتـــه
أهل الـصخـا والـجود وأهل الجماله = و مـريـضـيــن الضيـف عن معجلاته
مـعـطيــن طــلاب الـلـوازم ريــاله = و الـلــي تـعــداء عـنـدهم و معجزاتـه
بـيـمـانـهـم مــن كــل وارد زلالـــه = أشــقــر جــديـد ألـمــاس بـمـنـظـمـاته
الــلـي لــيــا شــاف الـعـدو اشتعاله = يــطـمـع مـنــه بـالمـوت ماجت وفاته
اعـتيـبـه الـهـيــلا هـيـال الـعــدالـه = حــيــث أن نــور الـحـق فيهم قضاته
خـص بـه الـروقـه رجـال الـحياله = ضـد الـحريب الـلـي ارسلـولـه براته
و سـلم و كثر الـهـرج ما به طواله = و مــا قـل مـن هـرج الـنشـاما حلاته
ثــم استـمـع كــل عـلـى قــد حــاله = ظــــم الـكــلام و مــا يـقــولـون هاته

ياعلي دن مـن الركايـب زمالـه=من مبعـدات الغيـظ و مقرباتـه
بنت اشعلن عند اللحـاوي عيالـه=حـراََ شماليـن سباقـن بنـاتـه
والجيش تأخذ له سنـه بالشمالـه=و مغيراََ ما يضـرب ألا خواتـه
جيشن مع العزام أصايـل جمالـه=قعّيـد الراعـي تجيكـم رواتــه
عسلوجتن مثـل الغـزال وخيالـه=ألا الظهر عـدلاََ قـراه و قطاتـه
ولها من السرحـان زول وهلالـه=و سموع و عيون تسـوي سواتـه
و مرباعها شرق الطويـل وتبالـه=و لها على الوادي إلى جت فلاته
مع وادي السرحان تتبـع همالـه=مارس يورد غير جـت وارداتـه
لين أصبحت مع كل ركـاب يالـه=ألا جنيـن و لعـنـت خيـراتـه
وشد الشداد وعلقـوا لـه حبالـه=و علق صميل القيـض بشويلاتـه
وذراعها لا ميـر تطلـق عقالـه=لين المصلي ينتهي مـن صلاتـه
لو شفتها رفضه ترا بهـا زعالـه=إلى شافت الركاب يطـوي عباتـه
لن كان ما مع ركبته ضف حالـه=ولا حذفت بالخـرج و ملولحاتـه
و ركب بأمان الله و خذلك رساله=و وصل بيـان الخـط بمزرفاتـه
ومر المدينة وسـل ألـي حوالـه=و اللي على طرفك عطه موجباته
و سلم على سكـان مكـه بعالـه=و من عند فيصل يأخـذ مرتباتـه
و تلقى ثلاثة عايلا الجـرد قالـه=يذارعون الوقـت فـي طايلاتـه
و معيض مره قبلهم وخـذ فالـه=أولم على وقت الغذا طبـخ شاتـه
و مخلد لونه فـي محلـن لحالـه=خله بسمـر الليـل حتـى تباتـه
يبهجك بالسمره و تسمـر دلالـه=و ساعه و نص انـوم و مكيفاتـه
و رحل إلى جاء وقت شد الرحاله=على طريق الضيـف و معدلاتـه
و حدر على ما كف حضن وشماله=و من النفود ليا القرى وهضباتـه
و تلقى رجالن كامليـن الرجالـه=كـلاًََْ بوقـتـه بايـنـت بينـاتـه
أهل الصخا والجود وأهل الجماله=و مريضين الضيف عن معجلاتـه
معطين طـلاب اللـوازم ريالـه=و اللي تعداء عندهم و معجزاتـه
بيمانهـم مـن كـل وارد زلالـه=أشقـر جديـد ألمـاس بمنظماتـه
اللي ليا شـاف العـدو اشتعالـه=يطمع منه بالموت ماجـت وفاتـه
اعتيبـه الهيـلا هيـال العـدالـه=حيث أن نور الحق فيهـم قضاتـه
خص به الروقه رجـال الحيالـه=ضد الحريب اللي ارسلوله براتـه
و سلم و كثر الهرج ما به طوالـه=و ما قل من هرج النشاما حلاتـه
ثم استمع كـل علـى قـد حالـه=ظم الكلام و مـا يقولـون هاتـه