راكبلي كـن فـي شمعتـه كاسـه=كاستن فيهـا مـن الغـاز ولاعـه
افجحن صدره تقل صـدر مياسـه=شيختن فيها مـن الزيـن ترباعـه
ماقربهـا غيـر ماسـه وكراسـه=نظرتـن منهـا طـراه اوتمتاعـه
ان عطالـه سهلتـن قـر مقياسـه=ون عطا الحزم الوعر كن توقاعـه
قانصن يطرد وراء الصيد بوناسـه=ويتدرق عنـه ويتابـع اوضاعـه
نعنبو من هندسـه زيـن هنداسـه=نعنبو من صنعـه زيـن صناعـه
انحر اللي مجلسـه عـز ورياسـه=مجلسن فيه اشقر الكيـف بنواعـه
مجلس ارجالن عوارف وحساسـه=عرجلن في غبـة البحـر شراعـه
يلبسون اللي تضايق مـن الباسـه=ينفعون اللي تضايق مـن اوجاعـه
مايدنسهم عمـاء الـراي بدناسـه=طبعهم ماهو شبيهن مـن اطباعـه
نعنبو ناسن علـى السـد بلاسـه=ميتيـن اقلـوب للوصـل قطاعـه
ارتكز في ثومة القلـب هوجاسـه=صرت في غبة بحر مالهـا قاعـه
ميـزة الرجـال تقـواه وحساسـه=وصحنه ورياله اوطولـت اذراعـه
واحترامـه لرياجـيـل وقيـاسـه=في علومه فـي نزولـه ومطلاعـه
يستشير ويعطي العلم مـن راسـه=مايبيـع الا ليـا قـرت البـاعـه
ايتوقـع فـي مقامـه ومجلاسـه=يدري ان ما خلقت الارض في ساعه
هـب ياذاالوقـت مكثـر تلماسـه=ايتلمـس هيبـت الديـن بصباعـه
ملتبس له ثـوب عيبـن تلباسـه=مودعن له علـم خطـرن توداعـه
شب ناره بيـن نجـره ومحماسـه=والضحيه ناقص الديـن والطاعـه
نعنبو من بـاع دينـه ونوماسـه=بالكـوارث والمساييـر والضاعـه
ساعتن ياخذ مع الحـزم مرواسـه=وساعتن رجله على الباب سماعـه
ايتثاقل شربت الماء مـن الطاسـه=ويتهاون كسر ضرسـه ومقلاعـه
مايعيـب الرجـل ويبيـن افلاسـه=مثل قل الديـن والفقـر ورواعـه
اشهد انه ضيقت الصدر وعماسـه=عثرتن له فـي مطيـره وميقاعـه
الليالـي ضيـق وفـراج ودراسـه=والقناعه كنـز والنفـس طماعـه