على الله نبتدي صدق الكلام وللكلام الوان=كلام يسمعه ويحس به من شاف عنوانه
كلام يختلج في داخلي مايحتمل كتمان =الين ابديه واصدع به وابين فيه برهانه
شبعنا من خفافيش الصحافه من ولدعلمان=ثعابين الظلام اللي من الاحقاد مليانه
على الهيئه من التشكيك والتضليل والبهتان=هجوم من قلوب عن طريق الخير عميانه
دعاة النار عبّاد الغرايز طغمة الشيطان=هل التغريب والتشريق سيسانه وبنيانه
تربوا رفي مراحيض الفساد بمجمع الاوثان=خذوا منه انتكاسة فكره وكفره وطغيانه
على كثر البلاوي مالقوا غير المره ديدان= على خطة يهود استحكم بغزوه وعدوانه
يبون المجتمع من حشمته متفسخ عريان=يناعق معهم هدوس لنشر الزور جربانه
على زلّة عضو ينشر خطاه بأحمر العنوان=جرايم هيئة المعروف فضايح آخر ازمانه
يصفق معهم اللي للفضايح يرتقص فرحان =وكنّ الهيئة اكبر ذنب لايسمح بغفرانه
نسو كم اهرقوا خمرٍ تدافع كنّه الوديان=وكم وكرٍ سكنه مشعوذٍ جرّوه واعوانه
وكم من للدعاره بيت ساووا سقفه السيسان=تهاوى في سحيقٍ واستقر بداخل احضانه
وكم مصيونة ناوي رداها بالغدر شيطان=حموها واستروها قبل ينهشها بنيبانه
اذا ماكانوا رجال الشدايد معتلين الشان=اجل من ننتخي به بعد رب الكون سبحانه
فضايلهم تعليهم على روس البشر تيجان=رجالٍ والرجال اللي تبين بساح ميدانه
وانا ماني بازكيهم ولااعصمهم عن النقصان=ولكن فضلهم يفرض لهم توضيح تبيانه
تقدم لاعدمتك ياعضو في ساحة الميدان=تحر اللين والحكمة وحذرا لسع ديبانه
تقدم واترك ارباب السوابق والغزل يافلان=مصنّعة الاشاعة صاحب فلانه وعلاّنه
ابيلقا ها مدام انه على المؤمن سليط لسان=نهار يكب وجهه في جهنّم سبّة لسانه
تقدّم وابشر بعزّك مادامك طايع الرحمن=وخل الكلب ينبح لين ربي يقطع لسانه
سلام الله ياقلبٍ توقّد يحترق غيران=لحراس الفضيلة عدّ وبلٍ هلّ هتانه

وسلامتكم







لمن اراد الحقيقة والتثبت من اغاليط الصحافة ومواقف الهيئة
اضغط على هذه الروابط
هذه الروابط




http://www.hesbah.gov.sa/NewsDetails.asp?ID=506

http://www.hesbah.gov.sa/NewsDetails.asp?ID=510

http://www.hesbah.gov.sa/NewsDetails.asp?ID=497

http://www.hesbah.gov.sa/NewsDetails.asp?ID=401

http://www.hesbah.gov.sa/NewsDetails.asp?ID=491

http://www.hesbah.gov.sa/NewsDetails.asp?ID=492

http://www.hesbah.gov.sa/NewsDetails.asp?ID=495

http://www.hesbah.gov.sa/NewsDetails.asp?ID=374

http://www.hesbah.gov.sa/NewsDetails.asp?ID=500


واليكم هذه الصور للامير خالد بن طلال اثناء زيارته لعضو الهيئة الشيخ متعب المطيري الذي
تعرض للضرب اثناء تأدية لعمله في احدى مداهمات الدعارة

http://www.yabdoo.com/users/11991/ga...098_p43905.jpg



http://www.yabdoo.com/users/11991/ga...098_p43907.jpg

http://www.yabdoo.com/users/11991/ga...098_p43906.jpg

المشاركة الأصلية كتبت بواسطة عمرالروقي منصور الحبيل الحمادي كلمات جميله ومعبره وتعبر عن حسره في القلب لما وصلت اليه امور بعض شبابنا هداهم الله من الاستخفاف بامر هيئة الامر بالمعروف والنهي عن النكر ---------------- كلمات رائعه نسال الله ان يكون لها الاثر في نفوس الشباب ----------- والهيئه هي الحصن الذي لولا الله ثم لولاه لفسدت الارض ومن عليها --------- نسأل الله أن يمدهم بالصبر على العسر وإحتساب الاجر --------------------- صح لسانك ولاهنت --------- -------------- ------------------- اخوك عمر الروقي