ياسلامي سلام(ن)مسكنه في نعيم=يا صل العزوه اللي طيب(ن)فالها
يا ذياب العصيمي قوم والله كريم=ودنا في علوم (ن) سار موالها

ياهلا مرحبا من خاطر(ن) مستهيم=في هنوف(ن) تلوح لي بجوالها
مابقا ألا سوال(ن) واحد(ن) يافهيم =وش بلا أم الكباير كثروا أعيالها

البقا يالمرحب من هجوس(ن) تحيم=والهنوفه تراها حض رجّالها
دوك مني جواب(ن)يالعصيمي سليم=العرب يالعصيمي شانت افعالها

هات علمك ولك رب(ن) غفور(ن) رحيم=مايجازي كثير الناس باعمالها
لو تسوق العذارى لو تسوق الحريم=شفت رجل المرور بحال يرثالها

دوك مني علوم (ن) تنشدك يالعصيم=الهنوفه تبى تسرَق من اخوالها
لو تسوق العذارى صار برق(ن)وغيم=والعصيمي يطرّدهم على جالها

فيه سم (ن) ذحاح وفيه ورد(ن) قديم=لو زرعناه بعض الناس عزالها
العصيمي ماعنده صلطتن للغشيم=مير (ضابط خفر) موجود يصحالها

عزّتي يا صحيبي يم برطم شريم=كل هرجه صحيحه قام يثلالها
الحوادث كثيره بين سين(ن)وجيم=مار (ضابط خفر) يمرح على شالها