ياسلام الله سلام وفيه من هرج الرجال=في محل اعتيبه الهيلا حسينين الطبوع
من وصل نجر النفيعي قله اعجلي تعال=فيه علمن مسحتق وفيه قول وحب كوع

مرحبا بك يالمسلّم من هماليل الخيال=الخيال اللي من الزرقا على التربه نقوع
ماني ابنجر المسمّى وبك دقق بالمجال=في فرق(ن)بين سجده ياصحيبي والركوع

والله اني خابرك رجال نطاح الجبال=نوب محدارن على الطرقه ونوبن في طلوع
مار حذراكم من الدنياء ومن سود اليال=واليالي ياصحيبي ماتنورها الشموع

والله اني يا صحيبي دايماً فوق الطوال=وانت رجّال(ن)تعرف المشكله وانته قنوع
شرهتي يمّ الرجال اللي يقر ابها الكمال=سالفتها بيّنه والهقوه انّه من ربوع

من بغى يرقى الطويله يعتليله فوق جال=يبعد النفس العزيزه عن خبيثين الشروع
هقوة الرجال دايم في كريمين السبال= ماتجي بالكيف نوب ولاتجي في وصط طوعه