الله من عين تكدر منامها=تسهر لياليهاولاادري علامها
لي ناموا العالم تزايدسهرها =كلن ينام وداومت في دوامها
تسهر طوال الليل والله يعينها=وهاذي طبيعتها وهذا نظامها
وان بان نور الصبح فزيت سارح=اطرد حضوضي واتحري قيامها
اتعبنى التفكير والهم والقلق=وروحي علي خلي تزايد هيامها
رعبوبه كن القمر لون خدها=وبنت الشويخ اللي رفيع مقامها
حبيتها حب من اقصى ضمايري=وابيع روحي ياسعد في غرامها
مصيونه دائم علي العز والنقاء=ولاتطريها الرجال بكلامها
ماهي بمثل اللي تخاوي صديقها=وترسل ولد عمه يوصل سلامها
والعين عين اللي تعلا بمرقبه=لي قرب الصيده وكسر عظامها
وثلاثه وعشرين عام عمرها=ومغيب حتي شهرها وعامها
مثل المهاه اللي من الصوت شارده=لي شافت البدوان تبني خيامها
يلعن ابومن لا مني في حبها=ياجعله اللي حشوها من حزامها
احبها حتي ولوما تهيت=واطرد وراها في يمنها وشامها
خطبتها لاكن مازوجوني=عيواقرايبها وعيواعمامها

المشاركة الأصلية كتبت بواسطة ابـن نـعـيـس صح لسانك ولسان الحبابي لاهنت يالغالي يعطيك العافيه تحياااااااااااااااااااااااااااااااااااتي

المشاركة الأصلية كتبت بواسطة قحص (المشاركة 227094) لاهنت ياالحبابي على القصيدة الرائعة صح السان الشاعر حسين بن شتوي الحبابي

المشاركة الأصلية كتبت بواسطة مرزوق العتيبي (المشاركة 227434) ... . قصيده جزله ياعلي ... شكرا لك على حسن اختيارك .. وصح لسانك ولسان ابن عمك . .... اخوك .. ...

المشاركة الأصلية كتبت بواسطة الحد الرهيف (المشاركة 232916) علي الحبابي بيض الله وجهك علي نقل هذه القصيده الرائعه للشاعر حسين بن شتوي الحبابي الحقيقه حسين شاعر شاب له مستقبل حضرت له محاوره مع رشيد الزلامي وكان بالفعل نجم نجم وقريت له قصايد علي النت والمجلات واعجبت بهذا الشاعر ياليت يالحبابي تزودنا بقصايد ابن عمك لاهنت شاكر ومقدر لك