يالله يالي ترزق الطير ويطير=ياساقي الديره ومنش الخيالي
ياهاجسي لاهنت مسّيت بالخير=لاهنت يالهاجس ترفّق بحالي
يا ماحلى شوف الورود المزاهير=في روضة(ن)خضرا سقتها السيالي
مع خوّت اهل الرّاي قوم(ن)مناعير=اهل الحمايا في دروب الحلالي
نسرح ونضوي للمحل حزّت اعصير=نشعل لنا ضوّ(ن)عواده جلالي
يا ماحلى شوف الدلال المباهير=تنعش لي السجّه ويرتاح بالي
بيت(ن)مروبع في طواريفه البير=نارد على الجمّ ابحبال(ن)طوالي
ما عندنا يا ناس من نافخ الكير=والا حسود(ن)طامع(ن) بالرجالي
ما عندنا الاّ من رجال(ن)مشاهير=اهل الظفر والطيب واهل الجزالي
وانا ابدوي(ن)من حلالي مغاتير=تسوا جمع الخلق عزّت عيالي
راعي عراوي كان مافيه تقصير=افخر ليا وقّفت بين الجمالي
انظر واعاين في طواريفي النير=اذكر فعول(ن)يوم حدّ السلالي
ربعي عتيبه من رجال(ن)مخابير=اهل الشجاعه والوفا والكمالي
اهل الظفر والعز واهل المشاوير=تعرَف سلايلهم بعرف الجبالي
يالله يالمعبود تكتب لنا الخير=ياساقي الديره ومنش الخيالي

وســــــــــــــــلامــــــــــتــــــــكم

أخوكـمـ / ابونجر النفيعي

ربعي عتيبه من رجال(ن)مخابير=اهل الشجاعه والوفا والكمالي
اهل الظفر والعز واهل المشاوير=تعرَف سلايلهم بعرف الجبالي
يالله يالمعبود تكتب لنا الخير=ياساقي الديره ومنش الخيالي

المشاركة الأصلية كتبت بواسطة فيصل القثامي .... الله الله صح لساااانك وعلى شـانك .. قصيدتن جزلة من راس جزل ... لاهنت يبونجر .. وسلم هااجك اللي متعودين منه الرووعه والابداااااااااااع .. اخوووووك .. فيصل القــــــــــــــــــــثامي .. ..

المشاركة الأصلية كتبت بواسطة سهم العضيان صح السانك يا ابو نجر ولاهنت على القصيده الجزله وتقبل التحيه

المشاركة الأصلية كتبت بواسطة ذياب ربعي عتيبه من رجال(ن)مخابير=اهل الشجاعه والوفا والكمالي اهل الظفر والعز واهل المشاوير=تعرَف سلايلهم بعرف الجبالي يالله يالمعبود تكتب لنا الخير=ياساقي الديره ومنش الخيالي صح السانك يابو نجر قصيده رائعه تستاهل المدح والثناء ولا تحرمنا جديدك أخوكـــــــــ / ذيــــــــــــاب

المشاركة الأصلية كتبت بواسطة سنافي الهيلا صح لساانك ياشاعرنا الله الله ونعم بعتيبه والله لاهنــت وصح لساانك