الغربة
 

الغربة


داري بعيده ومسكني وسط الاغراب وعــزي لمن مثلي طـــوته الخلاوي

حزات انادي غربتي وسـط الاسراب وحـــزات أجامل جورها بالحراوي

أســــــامر القمـــرا بعبرات وعـتاب جـرحي عمـيق مــادرى به مداوي

وحدتني الغربه على ندب الاصحاب أرضي خــلا مادوجــت بـه بـداوي

عشــنا وذقنـــا مبكياتن بــالاهــداب ذعـــذاع نفاض الــهوى بالحداوي

طاوي زمـن هجـر الاحبـه والاقراب دارن عــقيمه ماســكن بـه جلاوي

أســـكن بــها لـوهي ملاذن للأغراب صــالت علي معــاندات الخـطاوي

عـــزاه ياجــرح مــن العــام مـاطاب ربعي هــل البيــداء وكل الـعزاوي

واللي حداه من الزمن فــوق كراب شــالو حمولــن مـايشيله فــداوي

تربعوا وسـط الجفن فـوق الاجناب عـيال السيافــا مبعدين الهقـــاوي

سم العداء نار الوغا طنب الاشذاب ريف الزمن اللي من الوسم خاوي






عبدالمجيد الشمري

15- 10- 1426هـ

صح لسانك ولاهنت وهذا تنسيق للقصيدة

الغربة
عبدالمجيد الشمري

15- 10- 1426هـ





ولك تقديري

أخوك العارف

صح لسانك اخي عبد المجيد
على القصيدة الرائعه

صح السانك
وتقبل التحيه

هلا باخوي العارف اشكر لك المرور ومساعدتي بتنسيق النص والله يحفظك ويرعاك

ياهلا ويامسهلا باخوي يوسف العبيد اشكر لك المرور والله لايهينك

مرحبا باخوي سهم العضيان وعشت على لمرور والله لايهينك يابعدي

صح لسانك



بيض الله وجهك


لاهنت



تحيااااااااااااااااااااااااااااتي

ابن نعيس ( سعيد ومحظوظ بنفس الوقت بحظورك رفع الله قدرك وعشت حرا مع الاحرار ) .