محمد القثامي

يــوم مــرّت قـلــت لـحـظــه قـالــت انـتــه وش تـبــي=
قـلـت مـادري بــس شـفـتــك قـمــت اصـفِّــق بـركـبــي=
قـالـت اخـطـيـت الـطـريـق وْقـلــت مــن قـلّــك نـبــي=
قـالــت اطـغــاك الـغــرور ولاتــجــي ربـــع ذْهــبــي=
مـانــي بْـعـبــدٍ لابــوك ولاشْـتـغــل عـنــدك صــبــي=
قـالـت الـظـاهـر زعـلــت وْقـلــت انــا رجــلِ عْـربــي=
قـالــت امــزح قـلــت مـزحــك زوّدِجْـــروح اتـعــبــي=
قـالــت اطـلـبــك الـسـمـوحــه والـعـفــو ذا مـطـلـبــي=
والله لـسـانــك فـصـيــح وْمـذهــبــك مـــن مـذهــبــي=
بـسـألـك وش تـفـتـخـر بـه قـلــت قـصــدك مـنـسـبــي=
ربـعــي الـلــي فـالـلــوازم مـاتـجــي مـشــيُ وْحـبــي=
تـنـطـح جـيـوش الـمـعــادي لـيــن تـسـبـيـهــا سـبــي=
قـالـت اش مـعـنـى جـروحــك قـلــت عـنــوان اكْـتـبــي=
الـجــروح اسـهــام رامــي والـحـشــا مـثــل الـضـبــي=
قـالـت ادلـه قـلــت مــن يـدلــه عــنِ جْـروحــه غـبــي=
قـالــت اشـقــاك الـغــرامُ وقـلــت يـصـفَــى مـشـربــي=
قــالــت الــعــذال دونــــك والــعـــواذل مــاتــبــي=
قـلــت دام الــزرع زرعــي والـعـنــب صــار عْـنــبــي=
خـلّــي الـعــاذل يـمــوتِ بْـحـســرتــه يـامـكـســبــي=
قـالــت اطـربـنــي كـلامــك ..ويــن عـنّــي مـخـتـبــي=
قــم مـعــي نـبـنــي صــروح الــود يـالـشـهــم الابــي=
وهـذي الـقـصّــه مــع الـلــي جــت وقـالــت وش تـبــي=

قالت اطربني كلامك ..وين عنّي مختبـي
قم معي نبني صروح الود يالشهـم الابـي

بصراحه سلمت أناملك أخوي فيصل