للفضا ..طيرٍ تعلّى ..يم وجهاته .. جنوب = وانا في ارضي ..واردد يوووه ..يامقرب مداه..!!
دام ربي ..واهبه ..اجناح وارياح ..وهبوب=يعني يرقا ..يرقا يرقا.. لين يطلع من سماه
هي كذا.. وإلأّ فلا .".وجهة نظر قد لا تشوب = اي فكره من تعارض ..عكس سير الإتجاه "
قال وقتي : دام دربك وعر واشواك ونشوب=خلّك بدربك.. وواصل.. لين تنشد عن قصاه
امّا تفلح غايتك... ويقال لك ( كفو الدروب )=او تموت ويذكرونك "مات بامرٍ ماقضاه"
مبدا حياه اطبّقه..حتى على صغار الحسوب=ماعلي ينجح ..ويفشل ..بس مبدا بالحياه
وانتي ياللي ..قايده ..رجلي علي ذيك الحروب = الله اكبر .. كم صعبٍ لجل عينك قد وطاه ..!!
مشعل اللي مكتسٍ من درب حبّك هالشحوب = ولا رسم ..لمحة ندم.. لو هو كساه اللي كساه
ان مد لك ..مد العمر ..و ان شح بك ..شح القلوب= وان عز بك ..عزة عزيزٍ ...ما عطى الذل من بغاه
و الله اني دون شوفك ..داخلٍ حرب الشعوب=ما اريد اللي تبينه ..ولا تبين اللي (اباه)
بس ابسأل عن شعاع الشمس ياوقت الغروب=مادرى ان نور المدينه ..ماينوّر من هواه ؟!
وجد حاله ..كم مضاله..يبني حزنه ..طوب ..طوب=ينفخ انفاس التعب.. ابيوت شعرٍ من عناه
والشعر ابداع صوره ..والبحر تفصيل ثوب =ما أقول انّه مُميز ..بس يفرق عن سواه ..!!
ماعلى (( المسحوب )) شرهه..ولا على (( زجري )) ذنوب=يوم حطم من جزيله... كل آمال الهواه
دام ربّي واهبه ..( انتي ) ..مع ارياح ..وهبوب=يعني يرقا ..يرقا يرقا ..لين يطلع من سماه..!!