سلامي على رجال من ظهر رجال=عدد ما تخيل من مزون(ن)مسيله
على جرت الطاروق نبدع بالاقوال=وناخذ ونعطـي بالعلـوم الجميلـه
ولا يا محمد طالبك كيف الاحـوال=عسا رحلتك قصرا ولا هي طويله
عسا الله يفرج كل هم(ن)على البال=ويحمي مواقفكم علـى كـل ليلـه
ترا غيبتك هاذي طويله على الحال=وحنا على فرقا الرجـال الشكيلـه
تمل النفوس اللي تضرت بمنـوال=تضرت على شوف الرجال الجزيله
وانا من فراقك يابيض الوجه جوال=واسج القدم وادوج في كـل ميلـه
عسا الله يصبرنا وانا لاني محتال=يجيب العلوم اللـي بقالـن وقيلـه
ترا علمنا مثبت واضنه لكم طـال=واضن العلم مثبوت في كل حيلـه
نهايه ترانا نختـم القـاف بالفـال=عسا رحلتك قصرا ولاهي طويلـه