ماني أبعاذرك في تقفيل جوالك=لو قلت محرج من اقرابك على شانـي
ولو قلت تبغى تكلمني ولاجالك=مقبل لـك اعـذار لاللـول ولاالثانـي
كم لي وانا اسهر واعاني واتحرالك=ابغى على شـان لاكلمـت تلقانـي
ولاهوب انا حت جوالي على ارسالك=مشتاق لك مثل شوقي لك وولهاني
وليا تذكرت فاخر يوم موالك=اقول مايعقل ان الزين ينساني
اكيد اله ظرف فال الله ولافالك=ياكثر ماجابي الها جس ووداني
وأنته مشالله عليك ولاعلى بالك=من معرض النهدي ا لسوق الرميزاني
مرسلتلي لو رساله تشرح احوالك =وانته معك رقم جوالـي وعنوانـي
وانا الي ارخصت كل الغالي افدالك=من دون لا يدري القاصي ولا الداني
واليوم بعد اتضح في عيني اهمالك=جايٍ تعذر تقول اسـف وغلطانـي
خلاص فات الاوان بسبت افعالك=فاتـك قطـار المحبـه لاترجانـي
وأن كنت والله واعلم شايفٍ حالك=اسمع وش اخر خبر يطلع من لساني
مالك ومالي مثل مامالي ومالك=خـلاص روح يكفـي منـك ماجانـي
عشان منشدك لا قفلت جوالك=وانته ما تحرج من اقرابـك علـى شانـي
يعني توكل على الله روح في حالك=هذا هو اخر خبر يطلع من السانـي