طاري طرالي على الطاره=ناصي ديار(ن) بها داري
الصبح لاشعت أنواره=مالي مع الحب مسياري
عزلت دربه ومشواره=يا ناس ماهوب مشواري
يا متصل غير الغاره=لاعاد تغزي على أفكاري
إن شيت أنا الزين أبختاره=من نسل الأقوام الأخياري
قالوا علاقة طهاره=صفوة نقا ما بها أكداري
مثل الذي بآخر الحاره=ماغير ينشد عن أخباري
قلت الرجل يا خذ أحذاره=ما ياقف بجرف ينهاري
بدايت النار شراره=والخاتمه لاهب الناري
قلبي بشبت مناره=في تلعة(ن) بين الأقفاري
ومعيه خوي(ن) عن إيساره=دله تبهر بالبهاري
الماء موزون بعياره=وزود(ن) على الهيل مسماري
يطرب لها كيف من داره=عنه بعيدات الأقطاري
في رفقة اللي له الشاره=بالطيب والعز والكاري
أقدره وأقبل أعذاره=ويعرف مقامي ومقداري
القرم يعرف من أخباره=ولو بالدراهم فأنا شاري
القرم لو تبعد أسفاره=فأنا على دربه الساري
مليت من خوة زباره=فالمرجله مالهم طاري
عفت الحساء عقب ما زاره=من الردا بايع وشاري
تبدل الوقت وأطواره=وبأكن في قلبي أسراري

أخوي أبوشمروخ الحافي

صح ابدنك..

ومرورك يشرفنا..




وتقبل تحياتي....................بن برقا