بين الرجاءواليأس يوم وليله ..خيل سحاب الصيـف يلـي تخيلـه=من فوق تونس والهبوب تزيله ..يسبـق سنابرقـه علـى رعـاده
قمة عرب يعقـد وراهـا قمـه ..ماتبـري الذمـه ولا بـه ذمـه=وقرارهم عند الختـام مطمـه ..نشجـب ونستنكـر قـرار العـاده
خمسين عام وارضنا محتلـه .. القـدس ينخـى واليهـود تذلـه=وقواتنـا وجيوشنـا منحلـه ..والغـرب يحشـد بيننـا بعـتـاده
وين العرب والقمه المسهوجه..عـن مذبحـه كركـوك والفلوجـه=وعن الاتئلاف الي طغى وعلوجه..نار القهـر فـي قلوبنـا وقـاده
امس بفلسطين ابتدو بالجولـه ..واليـوم فـي بغدادوالـي حولـه=وبكره علينا الدور دوله دوله ..والله مايأمـن مؤمـنٍ فـي بـلاده
وثرواتنـا وارزاقنـا منهوبـه ..واديارنـا محتلـه ومغصـوبـه=ولعراض تهتك والدما مسكوبه ..ذنب العرب في اعناقكـم يالقـاده
الحرب حرب ارهاب في الاعلامي ..وبوش الصغير الي نطقها حامي=حـرب الصليبيـن والاسلامـي ..اضهـر لسانـه مايكـن فـواده
والبيت الابيض منتزه شاروني .. وشيوخه من اللوبي الصهيونـي=ملعون ابو من يأمنه ملعونـي ..ساسـه يهـود وقبتـه وعمـاده
وهئية الأمم لو رحتو ولو جيتو ..اصواتهم تصمت لنقض الفيتـو=لعبة تسالي بين حلف النيتو ..وضحكه جحـا بسـرداده ومـرداده
بكمديفد واسلو لغاية طابـه ..لامتشـل لشرمـك ياشيـخ ابقابـه=هذا طريق الخرطه الكذابه ..وخطة وعد بلفـور وواصـى احفـاده
قال العرب من بينها متفقه..ماتتفـق فـي الـراي لوهـي تفقـه=فيهم عميل ونشتريه بصفقه ..وفيهـم شريـف نحاربـه بـولاده
فرق تسد بين العرب في ساعه ..تكسب حدا الثنتين سمع او طاعه=واللي يعصى وحداني اللو اذراعه ..ابد بعمود البيـت ثـم اوتـاده
بلاش من حرب الدمار الشامل .. النفط في يدين العـرب بالكامـل=اقوى وسيله ضغط واقوى عامـل ..ولا سياسـه سيـدات السـاده
امحق سياسه لعنبوها سياسه ..خمسين عـام مضيعيـن الطاسـه=محد(ن) غلا دمه ونغمش راسه ..وخطـط ونفـذ خطتـه ومـراده
الاالملك فيصل عساه الجنه ..اخـذو الشجاعـه والسياسـه عنـه=هدد مصالحهـم وهابـو منـه ..بالنفـط تصديـره ولا ستيـراده
ضغط عليهم لين قالو دنجر..دنجر خطر والكونقرس جـاء منجـر=فورد الرئيس وارسلـو كيسنجر..اهتـزت امريكـا سنـه وزيـاده
عهد الملك فيصل وعبد الناصر..وعصر انور السادات لو جاء قاصر=فيها العدو عند الحدود محاصر..لولا جيـوش الغـرب بيـد ابـاده
يالله تبـدل ضعفنـا بالقـوه ..وتلـم شـمـل فـرقـوه الـلـوه=حتـى ننـول الغايـه المرجـوه.. يالله بيـوم نحتفـل بعـيـاده
يالله يارب اليتمـاء الرضـع ..ورب الارامـل والشيـوخ الركـع=ورب التقاه الي لوجهـك خشـع..يالله بيـوم ..نفتخـر بمجـاده
يالله بيوم ماتطيـر طيـوره ..فيـه اليهـود وجندهـا محشـوره=واتباعها واذنابهـا مبتـوره ..يـوم مثـل غـزوه بـدر ميعـاده
انا لامطـرف ولا ارهابـي ..مسلـم سعـودي معـرب الاانسابـي=اصـدع بكلمـه حـق لا ماهابـي ..المـوت واحـد كلنـا وراده
والله لاقول الحق لو وحدانـي ..والله لا جاهدهـم ولـو بالسانـي=ولا فلانـي محمـد القحطانـي ..ولا همنـي عـاذل ولا نـقـاده
وعندي نصيحه للشباب المسلم ..لاتنجرف بسـم الجهـاد وتضلـم=ولاتنخدع وتقول مالا تعلـم ..ماكـل مـن يقتـل شهيـد جهـاده
الي بيجاهد فيي الكفايه فرضه ..عن نفسه وعن ماله وعن عرضه=وعن معتقده ودينه وعن ارضه ..لابد يضمـن صحـه استشهـاده
من يقتل المسلم ويهدر دمه ..ومن خان في معاهد ماعنـده ذمـه=هذا انحرف عن مذهب الائمه..وخالف نصوص الشرع حسب افساده
ايت جهـاد صـار واي مجاهد..يقتـل اخـوه ويستبيـح معاهـد=الدين حرمها بحديث وشاهد..خاب وخسـر مـن فعلتـه وعنـاده
هذا هو الارهابـي المتلبس..بثـوب الجهـاد وينضبـط متدبـس=يقطع وجيه بالضلاله عبس..المبتـدع فـي الديـن حنـا اضـداده
من شذ عنا وابتدع له بدعه..الواجـب نعالـج ونـدرس وضعـه=بالنصـح والارشـاد ولا ردعه..لابـد نقصـر خطوتـه وقـيـاده
حنا على نور الكتاب المنزل .. وهدي الرساله والرسـول المرسـل=محجةٍ بيضاوشرع ومنهل ..من ضل عنها ماهتـداء فـي عبـاده
حنا هل التوحيـد شعـب وحاكم..وطاعـه ولاه الأمـر ماتخفاكـم=فيها الله وفيها الرسول اوصاكم ..في غير معصيته وغيـر الحـاده
وبين الرجاواليأس يوم وليله ..خيل سحاب الصيف يالـي تخيلـه=من فوق تونس والهبوب تزيله ..يسبق سنا برقـه علـى رعـاده
الشاعر : محمد العاطفي القحطاني=منقووووول