يقولون النفيعي ياعتيبه صايرٍ هامور = اله سمسار وسط السوق والعمله يمشيها
وانا بوصيه في سهم المكيرش حيلة الميسور = ويترك سهم سابك قبل رجلينه يدليها

انا تاجر وانا شاعر وفعلي عندكم مخبور=لاكنّ طعني جود الوصاه اللي موصيها
ولا ياللي توصيني ترا معروف هرج الزور=تبثون الاشاعه يابن عمي كي ترقيها

توقع وجمع ودقق نبا الناتج بدون اكسور = توقع واعرف السلعه وسدد قبل تشريها
درست من الحياه ادروس والله ما نغط النور = ودلونٍ ماتبل الريق نقطعلك عراويها

ولا ياللي تعلمني علاها ماني ابمجبور=وبه ناس(ن)يابن عمي تبا رجل(ن)يوعيها
تراني ماني ابمنهي تراني ماني ابمأمور=وخيمه ما تجيب الظل ياروقي نطويها

بعد ما قلت هانت ياعتيبه ركبوا ناضور = علشان الولد يصحي ويطرحها ويهديها
تعلم فالبحر وسبح ولابه عندنا بابور = وخلك فالبحر سباح لاتخطي حراويها

تخير يابن عمي ودك ابضربه من الباكور=ولا ياروقي اللي من كحلها صار عاميها
سبحنا بالبحور العوق وانته واصلن لك جور=ترا منته بقانصها ترا منته براميها

سرى ليلك على نجرك تدنه والبريق يفور = وجارك ينتظر شفه على الدله تسويها
غديت بنهر دجله والحق اقطعلك ثمان ابحور = ترى الروقي قطعها وله نيه فيك ناويها