ياناشدن وشلون معنى الصداقـه = أعطيك عن معنى الصداقه تفاصيل
أعطيك عن معنى الصداقه بطاقـه = بطاقـه فيهـا رمـوز وتحاليـل
صداقـه تبنـى بعـرف ولباقـه = وصداقتن تبنى لكسب المحاصيـل
وترا الصداقه شد حبـل العلاقـه = وتبادل المعروف بين الرجاجيـل
ولالي علي بعض الصداقات فاقـه = حيث ان طبع الحر مايقبل الميـل
واللـي تلـزم بالسلـوك الدقاقـه = ماميز المظهـار قبـل المداخيـل
ما كل هرشن له على الحمل طاقه = ولا كل من توفيقه يوفى لك اكيـل
وانا احمد لله يوم مالـي علاقـه = مع واحد شفته يشن المصاويـل
بالهرج يهدي لك من الورد باقـه = يحط لك منزل مع الجدي وسهيـل
لكـن يـاراع العلـوم السبـاقـه = بالتجربه عشنا واخذنـا دواليـل
كانك مع الاجواد عايـش علاقـه = الهون مانرضـاه يابـارد الحيـل
وان كان مشروهك على درناقـه = شرهتنا وصلت لشرب الفناجيـل
ياللـي تعلـم باليتيـم الحـلاقـه = عليك تكبيـره وصيحـه وتهليـل
ياسارق علوم النشامـا اسراقـه = أمنالتويـبـع ماحديذكرالسـيـل
لاطول الله عمـر ذيـب الرفاقـه = لمتابع الغـرات يشـري درابيـل
تلقاه في وقـت المهمـات عاقـه = لاينطبخ لاينشـوي مثـل ماقيـل
هذارله في كـل جمـع انطلاقـه = صاحي وكل الناس عنده مهابيـل
ون شاف حمل حط فوقه وساقـه = ردي حظ اشعاره القـال والقيـل
الله يوفـق كـل طيـب فـراقـه = آمين يارب دمر صاحـب الفيـل
ياللي تعشقون المعالـي اعشاقـه = الواجب انه يعتبر مـن اسرائيـل
هذا منافق لو لـزم عهـد باقـه = ماينقص رجال المواجيب لازيـل
اعطيت عن معنى الصداقه بطاقه = واعطيك عن راع النقيلي تفاصيل