قم يا ولد هات الحطب واشعم النار=وحط فيها كل جزلاً جلالي
حتى سناها يجذب الضيف والجار=وتجذب عليك من الربوع الغوالي
في مجلسٍ ما فيه نذلٍ وثرثار=غير الرجال مكرمين السبالي
واحمس من البن الخضر قيس مقدار=ودنه بنجرٍ يسمعونه يسلالي
...........................................=ودلال رسلانٍ على جال صالي
ثم بهر الدله بهيلا ومسمار=حتى يجي للهيل فيها اجتوالي
ثم صبها للي له الكيف يندار=واثنه على اللي يحتمون التوالي
وصبه لمن هم جالسينٍ وخطار=واحذر من الزلات بين الرجالي
في ظل بيتٍ يدهله كل زوار=بابه مشرع للجنوب وشمالي
مشرعٍ لاجل الخطاطير والمار=بيتٍ مطلٍ فوق روس العوالي
بيت ليا شفته كما خشم سيخار=متوسطٍ ما بين حمر الجبالي
وسط المخامر دار وافين الاشبار=الاد دامس كاسبين المعالي
ومني وصيه قبل قصاف الاعمار=وصيةٍ مني تخص العيالي
حفظ الأمانه والصلوات والجار=وزكوا وصوموا واصدقو فالمقالي
وترى التكاتف والتعاون بالاسرار=لا بد ما يوصلك كسب المنالي
واطلبك يالمعبود يا ربنا البار=وسع علي القبر عند ارتحالي
وتغفر ذنوبي من كبيرات وصغار=يالله يا لوالي على كل والي
وصلات ربي عد همال الامطار=واعداد ما تذري طعوس الرمالي
على النبي المصطفى خير الأخيار=اللي هدانا للطريق العدالي

المشاركة الأصلية كتبت بواسطة ذيب الحنابج شكرا على الموضوع المتميز يـــــــــا ((( ابن مشيب))) ولاهنت

المشاركة الأصلية كتبت بواسطة الفراهيدي الله يطيك العافية وصح لسانك ولسان الشيخ فيحان الشغار تحيااااااااااتي

المشاركة الأصلية كتبت بواسطة ابـن نـعـيـس بيض الله وجهك ولاهنت يالغالي تحياااااااااااااااااااااااااااااااااتي

المشاركة الأصلية كتبت بواسطة النابغه بيض الله وجهك يابن مشيب وهذا الرابط رابط الخبر : http://www.alriyadh.com/2006/07/13/article170869.html