ياالله ياللي بيـدك العـز والجـاه = ياللي لخـلات المخاليـق رافـي
يامن خلل عبدك ليابـان ترفـاه = ياعالم غايـه خفـا كـل خافـي
الطف بحال اللي تبهـذل بدنيـاه = وداج بجميع انحا النحايا وطافـي
يطرد ورا حظ عليك انت مشهـاه = لاشك شاف من الزمان اختلافـي
من كثر ماله ساروا الناس برضاه = ولو كان ناقص قالواالناس وافـي
ومن قل مابيده ترا الناس تشنـاه = ولو كان يسقيهم عسل قنط صافي
فالمال كم ساس طمـان وعـلاه = والفقر كم حطم روابـع سنافـي
لاشك ما للعبد عن حكـم مـولاه = من خير ولاشر والـرب كافـي
ما كتـب للمخلـوق لابـد يلقـاه = امـا هزايـم شـر ولا عوافـي